User:Mithridates/traduko-projeto
From Wikipedia
Me propozas nova projeto: dum un monato la partoprenanti en la projeto tradukas artikli de un Wikipedio en linguo quan ni selektas antee. La linguo quan ni selektos singlamonate esas ne granda ma ne mikra, lingui kom la Latina, Luxemburgia, Turkia, edc. Dum ta monato ni omna kreas uzanto-pagini en ta Wikipedio (se ankore ne existas) e tradukas adminime un artiklo singladie. Komprenende, la artiklo darfas esar mikra, tri o quar frazi. La skopo esas montrar a la uzanti di la linguo pri la existo di Ido. Kande un monato finas, ni selektas altra linguo.
En ica pagino ni skribos pri artikli en la Wikipedio quan ni selektis, ne necesa. Ni povus anke krear nova simbolo por nia uzanto-pagini simila a ti uzata en la altra Wikipedii. Quo esus bona nomo por la projeto?
Esus bona se ni selektus artiklo tam mikra ke ni povas skribar artiklo plu granda kam en lia Wikipedio. Exemple, se en la Latina esas artiklo pri urbo kun nur du frazi, ni uzus nia matrala linguo o la Angla, Franca edc. por skribar artiklo pokope plu granda.
Me pensas ke unesme la Latina esas la maxim bona, pro ke nun Latina esas preske nur hobio, e ti qui uzas la Latina ja prizas lernar lingui sen multa uzanti. Anke, la Latina esas simila ad Ido e li forsan prizus olua aspekto. Mithridates 18:08, 21 May 2006 (UTC)
