Notandi:Bjornhb
Úr Wikipediu, frjálsa alfræðiritinu
Björn heiti ég.
Og hér fyrir neðan er uppkast að Dummies Guide. Ekki tilbúið!
Efnisyfirlit |
[breyta] GREIN UPPKAST: Að skrifa einfalda nýja grein
Það er auðvelt að skrifa nýja Wikipedia-grein sjálf(ur), því það er nefnilega hægt að gera sómasamlega grein þó maður nýti aðeins örlítið brot af þeim skipunum sem Wikipedia-kerfið gefur kost á.
Áður en þú byrjar ættir þú samt að íhuga hvort efnið eigi erindi hingað og að sannreyna að greinin sé raunverulega ekki þegar til undir öðru heiti. Auk þess að heiti greinarinnar (þ.e.a.s. orðið sem þú leitaðir að) sé heppilegt, t.d. lýsandi og í nefnifalli eintölu. Neðst er bent á nokkrar greinar sem fjalla um þessi atriði.
[breyta] Innihaldið
Sjálft meginmálið sem fjallar um efnið er auðvitað það sem skiptir mestu máli. Það skiptist upp í eina eða fleiri efnisgreinar (paragraphs).
Efnisgrein hefst á venjulegum texta lengst til vinstri í innsláttarboxinu.
Til að hefja nýja efnisgrein (paragraph) notar þú tvö enter í röð. Einvörðungu eitt enter hefur engin áhrif á hvernig efnisgrein birtist.
Dæmi:
Fyrsta efnisgrein. Greinin fjallar um eitthvað sem þú hefur vit á. Önnur efnisgrein. Beint framhald þessarar seinni efnisgreinar.
Því næst notar þú hnappinn Forskoða til að sjá hvernig til tókst, og svo loks hnappinn Vista þegar þú ert sátt(ur).
Oft er þetta allt sem þarf í upphafi. Wikidedia er samvinnuverkefni, þannig að þegar fram líða stundir munu aðrir líklega lagfæra greinina til að nýta betur kostina sem standa til boða.
[breyta] Útlit og virkni
Þú getur líka sett inn skipanir sem stjórna hvernig innihaldið mun birtast eða sem stjórna vissri virkni. Nokkrar gagnlegar og einfaldar skipanir eru:
- Að skipta grein upp í kafla.
- Að setja áherslur á orð.
- Upptalning atriða eða punkta (eins og þessir).
- Að nota tengla til að vísa yfir í aðrar greinar.
- Að merkja greinina sem stubb til að benda öðrum notendum á hana.
Kaflaheiti fara í eigin línu, með tvö samasem-merki ( = ) lengst til vinstri, því næst heitið, því næst aftur tvö samasem-merki. Greinar hefjast yfirleitt á samantekt, án kaflaheitis.
Þú getur lagt áherslu á eitt eða fleiri orð með því að setja tvær uppikommur ( ' ) sitt hvorum megin við orðin.
Í upptalningu hefst hver punktur á nýrri línu, með stjörnu ( * ) lengst til vinstri og síðan viðkomandi texta. Atriðinu lýkur við enter.
Tenglar yfir í aðrar greinar eru gefnar til kynna með því að setja tvo hornklofa ( [ ] ) utan um orðin sem vísa skal til. Þetta verður reyndar oft svolítið snúnara en þetta, þar eð heiti (einkenni) hinnar greinarinnar á ekki endilega að sjást í greininni þinni. Þetta tvennt má því aðskilja með pípumerki ( | ) innan hornklofanna. En þú getur líka sleppt því að nota tengla ef þér finnst þetta flókið.
Þegar að þú ert búin(n) með nýju greinina, þá ættir þú að gefa greinilega til kynna að aðrir megi fara að vinna í henni. Það gerir þú með því að skrifa skipunina {{stubbur}} neðst í hana, en þetta mun birta stutt skilaboð þess efnis.
Dæmi:
Inngangur
* Atriði eitt
* Atriði tvö, með ''smá áherslu''
==Kaflaheiti==
Meginmál nýs kafla.
Og [[tengill]] af einföldustu gerð.
Örlítið [[Flækja | flóknari]] tengill (fyrir greinina Flækja).
{{stubbur}}
[breyta] Meiri upplýsingar
Þú kemst langt á þessum stuttu leiðbeiningum hérna að að ofan. En Wikipedia hefur marga aðra möguleika og góða kosti sem þú getur svo smám saman kynnt þér í eftirfarandi greinum:
- Almenn kynning á Wikipedia.
- Það sem hafa ætti í huga þegar þú skrifar fyrstu greinina þína eða þegar þú vilt byrja á nýrri síðu.
- "Svindlsíða" sem inniheldur samþjappaðar upplýsingar um helstu skipanir sem stjórna útliti og virkni textans.
- Handbók Wikipedia þar sem fjallað er miklu nánar um margt af því sem hér hefur verið tæpt á, t.d. heppileg nöfn á greinum, hvernig maður notar tengla og margt fleira.
