Manchester
Úr Wikipediu, frjálsa alfræðiritinu
Manchester er borg í norðvesturhluta Englands. Íbúafjöldi er 437 þúsund, en yfir tvær milljónir búa í borginni og nágrenni hennar. Svæðið hefur verið byggt frá því á tímum Rómverja en bærinn breyttist fyrst í stórborg með iðnbyltingunni þegar svæðið varð miðstöð baðmullarvinnslu og vefnaðariðnaðar. Bridgewater-skurðurinn, sem er fyrsti eiginlegi skipaskurðurinn í Bretlandi, var opnaður 1761 til að flytja kol úr kolanámum við Worsley til Manchester. Fyrsta járnbrautin fyrir farþegalestir í heiminum var lögð frá Manchester til Liverpool og opnaði 1830.
