Spjall:Saparmyrat Nyýazow

Úr Wikipediu, frjálsa alfræðiritinu

Þetta er ágætis grein, en virðist að mörgu leyti sem upptalning á staðreyndum frekar en grein. Svo virðist hún vera til þess gerð að skjóta á Türkmenbashi sumstaðar, frekar en að benda á staðreyndir. Ég legg til að hún sé endurskoðuð á köflum. --Smári McCarthy 28. des. 2005 kl. 23:49 (UTC)

Að mínu mati ætti hann ekki að vera í bundnu máli, enda ekki nema eðlilegt að upptalning á afkárlegum tilskipunum hans sé listi, frekar klunnalegt að hafa þetta í bundu máli. Hann er frægur fyrir að vera sérfróður og tilskipanir sem þessar eru þær sem gera hann fréttnæman, það er ekki nema eðlilegt að þær komi fram. --Friðrik Bragi Dýrfjörð 29. des. 2005 kl. 01:06 (UTC)

Af hverju er hann Nyýazow með z og w, stöfum sem eru ekki í íslenska stafrófinu (lengur)? --Stalfur 29. des. 2005 kl. 11:46 (UTC)

Nyýazow ætti frekar að vera ritað „Nýjáshóv“, held ég, enda hljóðritað [niːjɑːzɒv]. --Smári McCarthy 29. des. 2005 kl. 12:25 (UTC)

Сапармурат Атаевич Ниязов - Sting upp á Saparmurat Atajevitsj Nijatsov. --Akigka 29. des. 2005 kl. 13:35 (UTC)

Sammála fyrri ræðumanni; ekki alfarið hljóðfræðilega sambærilegt, en þetta fylgir íslenskum ritunarvenjum fyrir slavnesk nöfn, þannig að þetta er gott. --Smári McCarthy 29. des. 2005 kl. 19:09 (UTC)

Bara svo staðreyndirnar séu á hreinu: Túrkmenska er skrifuð (amk. í Túrkmenistan) með latnesku letri, en ekki kýrillísku, og hefur það verið svo síðan 1991. Tungumálið var aðeins skrifað með kýrillísku letri á meðan Túrkmenistan var hluti Sovétríkjanna. Túrkmenska er heldur ekki „slavneskt“ tungumál. Sjá nánar greinina Turkmen alphabet á ensku Wikipedia. Rétt túrkmensk stafsetning nafnsins er Saparmyrat Ataýewiç Nyýazow. Þar sem nafnið er þegar skrifað með latnesku letri er engin þörf á umritun, ekki frekar en t.d. á nöfnum pólskra borga.

Tja... Pólsku borgirnar eru nú samt oft umritaðar.. eða íslenskaðar öllu heldur - sbr. Varsjá og Kraká, en það er stundum ástæða til að íslenska og stundum ástæða til að gera það ekki, og ég veit eiginlega ekki hvort ástæða sé til eins eða annars í þessu tilfelli. Túrkmenska stafrófið byggir vissulega á latneska stafrófinu, en ég hef líka fært fyrir því rök að sértákn séu jafnóskiljanleg almennum lesendum og t.d. kýrillískt letur svo það kynni samt að vera ástæða til að umrita. En þetta er hápólitískt mál - sbr. umritun íslenskra sértákna á ensku wikipedia.

Ég man nú ekki hvernig á að umrita з á íslensku (sem ekki hefur z, sem væri eðlilegast að nota). En það er þó ч sem á að umrita tsj, og ц sem ts minnir mig. Á virkilega enginn þessar íslensku umritunarreglur í fórum sínum? --Akigka 31. des. 2005 kl. 10:06 (UTC)

Til gamans má geta að með gamla kýrillíska túrkmenska stafrófinu ætti nafnið að ritast svo: Сапармырат Атаевич Ныязов, og að stafurinn з hefur aldrei verið borinn fram sem ts í neinu tungumáli. – Krun 30. des. 2005 kl. 22:18 (UTC)

Mig langar einnig að benda á að hljóðritunin [niːjɑːzɒv] sýnir framburð nafnsins í bandarískri ensku, og hefur ekkert að gera með upprunantungumálið. Varasamt er að taka hljóðritanir beint af enskunni án athugunar. Á túrkmensku er nafnið borið fram u.þ.b. [nɯjaðoβ]. – Krun 30. des. 2005 kl. 22:33 (UTC)

Æj, já, ég skoðaði þetta ekki nægilega gaumgæfilega. Ég á til hljóðritunartöflur fyrir ansi mörg mál heima á Íslandi (þ.e., IPA töflur með hljóð málsins útfyllt), man ekki hvort að Túrkmenska sé þar, en ég skal athuga þegar ég kem heim. Ég held að [ɯ] sé fremur vandmeðfarið í Íslensku, en næsta hljóð við það er [j], þannig að ég er að velta fyrir mér [iːj]. Þá er [β] ekki til heldur í Íslensku, en [f] eða [v] gæti gengið þar. Ég myndi því segja að [nɪːjaðɔv] eða [nɪːjazɔv] væri best. --Smári McCarthy 31. des. 2005 kl. 12:16 (UTC)