Spjall:Svalbarðsætt
Úr Wikipediu, frjálsa alfræðiritinu
Það sem hér er komið er gott svo langt sem það nær, en allmiklu þarf að bæta við.
Hér vantar alveg Steinunni Jónsdóttur (Magnússonar), sem gift var Birni Jónssyni (Arasonar) á Mel í Miðfirði, síðar Ólafi Jónssyni og loks Eggert Hannessyni lögmanni. Af henni var mikill ættleggur og hún er talin hafa átt mestan þátt í sættum á milli afkomenda Jóns Arasonar og Daða í Snóksdal, enda var Guðrún, dóttir hennar og Ólafs, gift Hannesi Björnssyni, sem var dóttursonur Daða í Snóksdal og bjuggu þau þar. Einnig vantar systur hennar, Sólveigu og Þórdísi. Svo vantar líka Kolbein klakk, bónda á Einarslóni á Snæfellsnesi. Hann var seinni konu barn Jóns Magnússonar og var afi Kolbeins Grímssonar jöklaraskálds, sem kvaðst á við fjandann og hafði betur eftir því sem þjóðsögurnar segja.
Hvaða deilur stóðu á milli Svalbarðsættar og Guðbrands biskups? Varð hjónaband Ara Magnússonar í Ögri og Kristínar Guðbrandsdóttur ekki til þess að róa þær eitthvað eins og hjónaband Guðrúnar Ólafsdóttur og Hannesar Björnssonar var með ráðum gert til að setja niður ættadeilur við Snókdælinga? --Moi 16:23, 13 feb 2005 (UTC)
... og Staðarhóls-Páll giftist Helgu Aradóttur Jónssonar. Mér finnst nú að þú hefðir átt að bæta þessu við :). Þáttur Jóns Arasonar er athyglisverður af því að hann tekur við málaferlunum milli Jóns Sigmundssonar og Gottskálks biskups og nær að sækja eignir Einars sonar hans (móðurbróður Guðbrands biskups) eftir átök við Teit Þorleifsson í Glaumbæ á Sveinsstaðafundi. Þessar eignir eru svo ástæðan fyrir öllu heila morðbréfamálinu við lok 16. aldar og deilum Guðbrands Þorlákssonar við Jón Jónsson og Jón Sigurðsson lögmenn út af jörðunum Hóli og Bessastöðum í Skagafirði [?], en Ari styður Guðbrand gegn frændum sínum í því máli. Það eru samt ekki öll kurl komin til grafar :-|... --Akigka 11:27, 25 feb 2005 (UTC)
-
- ... jú, víst voru þau gift, en því hjónabandi lauk með ósköpum og skilnaði og er fræg vísa Staðarhóls-Páls af því tilefni einhver sú ljótasta, sem nokkur maður hefur kveðið til konu sinnar..... --Moi 17:28, 25 feb 2005 (UTC)
-
-
- Þetta er nú hreinlega ótugtarlegt. Að ætla svo að leyna okkur vísunni... -- Akigka
-
-
-
-
- Það er satt og rétt! Ég verð víst að segja b fyrst ég sagði a. Vísan er svona og var kveðin er Helga hótaði að skilja við hann, sem hún og gerði:
Ef leiðist þér, grey, að ganga,
gefa vil ég þér hest.
Segi' eg upp sambúð langa.
Svo trúi' eg fari best.
Hafir þú fornt á fótum,
fá skaltu skæðin ný.
Gakktu hart á grjótum
og ganaðu upp í ský
með bandvettlinga og traf,
styttuband og staf.
Farðu norður í Gýgjarfoss
og stingdu þér þar á kaf.
Sökktu til botns sem blý
og komdu' aldrei upp frá því.
--Moi 21:40, 25 feb 2005 (UTC)
- Það er satt og rétt! Ég verð víst að segja b fyrst ég sagði a. Vísan er svona og var kveðin er Helga hótaði að skilja við hann, sem hún og gerði:
-
-
