Bima
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
| Pandhawa |
| Yudhistira |
| Bima |
| Arjuna |
| Nakula |
| Sadewa |
Bima kuwi salah sijining Pandhawa kang nomer loro. Nalika lair kacritaake ing lakon Bima Bungkus. Jaman isih cilik urip ing Astina, nanging sakwise ditundhung dening Korawa, Bima lan sedulur-sedulure dibuwang lang pungkasane bisa babat Alas Mertani. Dheweke banjur urip ing kesatriyan Jodhipati/Unggulpawenang.
[sunting] Dasanama
- Bayusuta : putrane Bathara Bayu
- Ballawa : gedhe dhuwur
- Bratasena : keturunan Barata kang prakosa
- Bhima : ngedab-edabi (Mahabharata)
- Birawa : gedhe lan medeni
- Dandun : teguh
- Nagata : nyata
- Kowara : kondhang
- Sena : prakosa
- Werkodara/Werkudara
- Wijasena
[sunting] Anak Bojo
Bojone telu (gagrag Jogjakarta), yaiku :
- Dewi Nagagini, nduwe anak jenenge Antareja.
- Dewi Arimbi, nduwe anak jenenge Gathotkaca.
- Dewi Urangayu, nduwe anak jenenge Antasena.
Anak-anake Bima iki asring dadi pralamabang prejurit. Antareja bisa ambles bumi, kang njaga dharatan. Gatotkaca bisa mabur, kang njaga awang-awang. Antasena bisa ambles bumi lan urip ing banyu, kang njaga laut.
[sunting] Kasekten
Bima uga salah sijine putra Bathara Bayu.
Gaman kang kondhang yaiku Gada Rujakpolo lan kuku Pancanaka. Bima ora gelem basa karo sapa wae, kejaba nalika ing lakon Bima Suci/Nawaruci. Ing lakon iki Bima ketemu karo Dewa Ruci. Wujude Dewa Ruci kaya dene Bima. Dewa iki metu seka kupinge lan ngandhani Bima perkara filsafat urip.
Ing pungkasan crita wayang, Bima muksa bareng karo Pandhawa liyane nuju swargaloka.
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
