ბეჟუაშვილი, გელა
ვიკიპედიიდან
გელა ბეჟუაშვილი (* 1 მარტი 1967) - საქართველოს საგარეო საქმეთა მინისტრი 2005 წლის 19 ოქტომბრიდან.
[რედაქტირება] ბიოგრაფია
[რედაქტირება] განათლება
- 1991 – დაამთავრა ქ. კიევის სახელმწიფო უნივერსიტეტის საერთაშორისო ურთიერთობებისა და საერთაშორისო სამართლის უკრაინის ინსტიტუტის საერთაშორისო სამართლის ფაკულტეტი და მიენიჭა საერთაშორისო სამართლის იურისტის კვალიფიკაცია.
- 1997 – დაამთავრა ტეხასის უნივერსიტეტის სამართლის სკოლა (აშშ), რის შემდგომაც მიენიჭა სამართლის მაგისტრის აკადემიური ხარისხი.
- 2003 – სწავლობდა ჰარვარდის უნივერსიტეტის კენედის სახელობის სახელმწიფო მოხელეთა სკოლაში (აშშ). არის სახელმწიფო მართვის მაგისტრის კანდიდატი. სხვადასხვა დროს გავლილი აქვს სპეციალური კურსები სამართლისა და სახელმწიფო მართვის საკითხებში აშშ-სა და ევროპის წამყვან უნივერსიტეტებში.
- 1996 – დაჯილდოვებულია აშშ-ს მთავრობის სტიპენდიით.
- 1998 – დაჯილდოვებულია გაერო-ს სტიპენდიით.
[რედაქტირება] სამუშაო გამოცდილება
- 1991-1993 - მუშაობდა საქართველოს საგარეო საქმეთა სამინისტროს საერთაშორისო სამართლებრივ სამმართველოში სხვადასხვა თანამდებობებზე.
- 1993-1996 - საქართველოს საგანგებო და სრულუფლებიანი დესპანი ყაზახეთის რესპუბლიკაში.
- 1997-2000 - საქართველოს საგარეო საქმეთა სამინისტროს საერთაშორისო-სამართლებრივი დეპარტამენტის დირექტორი.
- 2000-2004 - საქართველოს თავდაცვის მინისტრის მოადგილე
- 2004 - საქართველოს პირველი სამოქალაქო თავდაცვის მინისტრი.
- 2004-2005 - საქართველოს პრეზიდენტის თანაშემწე ეროვნული უშიშროების საკითხებში – ეროვნული უშიშროების საბჭოს მდივნი.
- 2005 - 19 ოქტომბერი: დაინიშნა საგარეო საქმეთა მინისტრად.
- 1998-2000 - აქტიურად თანამშრომლობდა ევროპულ სტრუქტურებთან:იყო ევროპის საბჭოს სახელმწიფო მრჩეველთა კომოტეტის ექსპერტი საერთაშორისო სამართლის სფეროში (CAHDI); ევროპის საბჭოს კორუფციის წინააღმდეგ მებრძოლი ჯგუფის ექსპერტი (GMS); ევროპის საბჭოს ეროვნული უმცირესობათა დაცვის კომიტეტის ექსპერტი (DH-MIN); ევროპის საბჭოს ვენეციის კომისიის ექსპერტი (საკონსტიტუციო სამართალი).
- 1999 - იყო საქართველოს დელეგაციის ხელმძღვანელი BSEC-ის მაღალი დონის ოფიციალურ მოლაპარაკებებსა და შეხვედრებზე, ქ. სტამბოლში, ქ. სალონიკსა და ქ. კიშინიოვში. აგრეთვე, საქართველოს დელეგაციის ხელმძღვანელი იუსტიციის მინისტრთა კონფერენციებზე ქ. კიშინიოვში.
- 1997-1999 - იყო საქართველოს საგარეო საქმეთა სამინისტროს სამუშაო ჯგუფის ხელმძღვანელი საქართველოს ევროპის საბჭოში გაწევრიანებასთან დაკავშირებით. გელა ბეჟუაშვილი იყო შემდეგი კანონების შექმნაზე მომუშავე ექსპერტთა ჯგუფის უფროსი: საქართველოს კანონი დიპლომატიური სამსახურის შესახებ» და საქართველოს კანონი «საერთაშორისო ხელშეკრულებების შესახებ». აგრეთვე, მისი ავტორობითა და ხელმძღვანელობით არის შექმნილი საქართველოს ორგანული კანონი «ეროვნული უშიშროების საბჭოს შესახებ.
- 2000 - ძირითად საქმიანობასთან პარალელურად ეწევა სამეცნიერო მოღვაწეობას საერთაშორისო სამართლის საკითხებზე. გამოქვეყნებული აქვს რამდენიმე ნაშრომი და წიგნი.
მინიჭებული აქვს საგანგებო და სრულუფლებიანი ელჩის დიპლომატიური რანგი და ნამდვილი სახელმწიფო მრჩევლის საკლასო ჩინი. გელა ბეჟუაშვილი დასახელებულ იქნა 2004 წლის ადამიანად აშშ-ის ბიოგრაფიული კვლევების ინსტიტუტის მიერ.
საავტორო უფლება © 2004, საქართველოს საგარეო საქმეთა სამინისტრო
