გურჯაანის ყველაწმინდა

ვიკიპედიიდან

გურჯაანის ყველაწმინდა, VIII-IX საუკუნეების ქართული ხუროთმოძღვრების ("გარდამავალი ხანის") უმნიშვნელოვანესი ძეგლი - ღვთისმშობლის მიძინების ეკლესია, ე. წ. "ყველაწმინდა". ქ. გურჯაანიდან 2 კმ-ზე. გურჯაანის ყველაწმინდა ერთადერთი ორგუმბათიანი ეკლესია საქართველოში. აგებულია რიყის ქვის სწორი რიგებით, კუთხეები და დეკორატიული ნაწილები - შირიმის თლილი კვადრებით. თაღები, კამარები, და საყრდენბი ბოძები ამოყვანილია კვადრატული აგურით. რთული გეგმის ნაგებობის ზოგი ნაწილი ორ სართულადაა განლაგებული. ნავები გაყოფილია ბოძების ორი წყვილით. ორფერდა სახურავით გადახურული შუა მაღალი ნავი, რომელიც აღმოსავლეთით ნალისებრი აფსიდით ბოლოვდება, დაყოფილია სამ კვადრატად. განაპირა კვადრატებზე შეკრული კამარებით დაგვირგვინებული დაბალი, რვაწახნაგა გუმბათის ყელებია აღმართული. მთავარ ნავს სამხრეთ და ჩრდილოეთიდან ეკვრის კამარებით გადახურული გვერდის ნავები, მათ თავზე მოთავსებული ფართო გარსშემოსავლელი სამი მხრიდან ერტყმის ცენტრალურ ნავს. თუმცა გარედან შენობა მარტივადაა დამუშავებული, წინა ხანის ძეგლებთან შედარებით მაინც იგრძნობა დეკორატიული ტენდენციების გაძლიერება, სხვაგვარია (უფრო აზიდულია) შენობის პროპორციებიც.

Retrieved from "http://ka.wikipedia.org../../../%E1%83%92/%E1%83%A3/%E1%83%A0/%E1%83%92%E1%83%A3%E1%83%A0%E1%83%AF%E1%83%90%E1%83%90%E1%83%9C%E1%83%98%E1%83%A1_%E1%83%A7%E1%83%95%E1%83%94%E1%83%9A%E1%83%90%E1%83%AC%E1%83%9B%E1%83%98%E1%83%9C%E1%83%93%E1%83%90.html"

კატეგორია: საქართველოს ხუროთმოძღვრების ძეგლები

გურჯაანის ყველაწმინდა

ვიკიპედიიდან

Views

ნავიგაცია

ძიება