მერცხლის ბუდე (ყირიმი)

ვიკიპედიიდან

მერცხლის ბუდე.

მერცხლის ბუდე (რუს.: Ласточкино гнездо; უკრ.: Ластівчине гніздо, ყირიმის თათრ.: Qarılğaç yuvası) — შუა-საუკუნეების იმიტაციით შექმნილი ნეოგოთური სტილის ციხე-კოშკია იალტასთან, ყირიმი, უკრაინა. აიგო 1911-12 წლებში, 40 მ სიმაღლის ავრორას კლდეზე, რუსი არქიტექტორის ა. შერვუდის პროექტით. კოშკი აი-ტოდორის კონცხს გადმოჰყურებს შავ ზღვაზე და მდებარეობს ძველი რომაული ციხესიმაგრის (ძვ. წ. 1-3 საუკ.) სიახლოვეს. ნაგებობა ყირიმის ერთ-ერთ მნიშვნელოვან არქიტექტურულ მონუმენტად ითვლება.

შენობა კომპაქტურია (20 მ სიმაღლე და 10 მ სიგანე). მის თავდაპირველ პროექტში შეტანილი იყო ფოიე, სასტუმრო ოთახი, კოშკზე ასასვლელი კიბე და 2 საძინებელი სახვადასხვა დონეზე. სასტუმრო ოთახის ინტერიერი ხით არის მოპირკეთებული; დანარჩენი ინტერიერი ბათქაშით არის დაფარული და შეღებილი. შენობას ირგვლივ პანორამული ტერასა აქვს, ზღვის გაშლილი ხედით, საიდანაც შორიდან იალტის კონტურებიც ჩანს.

ეს დაუსრულებელი სტატიაა არქიტექტურის შესახებ.
თქვენ შეგიძლიათ დაეხმაროთ ვიკიპედიას და შეავსოთ იგი.

Retrieved from "http://ka.wikipedia.org../../../%E1%83%9B/%E1%83%94/%E1%83%A0/%E1%83%9B%E1%83%94%E1%83%A0%E1%83%AA%E1%83%AE%E1%83%9A%E1%83%98%E1%83%A1_%E1%83%91%E1%83%A3%E1%83%93%E1%83%94_%28%E1%83%A7%E1%83%98%E1%83%A0%E1%83%98%E1%83%9B%E1%83%98%29.html"

კატეგორიები: დაუსრულებელი სტატიები არქიტექტურის შესახებ | ყირიმი | უკრაინის არქიტექტურა

მერცხლის ბუდე (ყირიმი)

ვიკიპედიიდან

Views

ნავიგაცია

ძიება

სხვა ენებზე