მესი, ლიონელ

ვიკიპედიიდან

ლიონელ ანდრეს მესი

ლიონელ ანდრეს მესი (ესპ.: Lionel Andrés Messi) (* 24 ივნისი 1987, როზარიო, არგენტინა) - არგენტინელი ფეხბურთელი.

სექციების სია

1 ბიოგრაფია
2 პირველი გოლი
3 მსოფლიოს ჩემპიონატი 20 წლამდე
4 2005-06 წლები. მესის კარიერა აღმავლობის გზაზეა
5 მესის განლაგება მოედანზე
6 მიღწევები
- 6.1 ბარსელონა
- 6.2 არგენტინის ეროვნული ნაკრები

[რედაქტირება] ბიოგრაფია

არგენტინელი ფეხბურთელის ლეო მესის კარიერა დაიწყო 1995 წელს გუნდში სახელწოდებით "Newell's Old Boys" სადაც მან ითამაშა 2000 წლამდე. მესის სერიოზული პრობლემები ჰქონდა სიმაღლესთან დაკავშირებით. 13 წლის ის თავის თანატოლებში ყველაზე პატარა იყო სულ რაღაც 1,30მ. სამკურნალოდ მესი ბარსელონაში გაემგზავრა. მესი არც იქ ცილდებოდა ფეხბურთს და ბარსელონას გუნდში ჩაეწერა. არგენტინელის ოჯახი არც ისე შეძლებული იყო. ,,ბარსას" ხელმძღვანელობამ დაინახა მასში ნიჭიერი და პერსპექტიული მოთამაშე და თავადვე დააფინანსა მესის მკურნალობა. მკურნალობამ აშკარა შედეგი მოუტანა მესის. ამჟამად მესი 1,69მ არის . 14 წლის მესი უკვე ბარსელონა C -ში თამაშობდა. არგენტინელი თინეიჯერი ნელ ნელა უფრო მაღალ დონეზე ადიოდა . 2003 წლის 17 ნოემბერს შედგა არგენტინელი ,,ვუნდერკინდის" დებიუტი. დებიუტო დრაგაუს სტადიონზე შედგა. ბარსელონა ამხანაგურ შეხვედრაში პორტოს ხვდებოდა.

[რედაქტირება] პირველი გოლი

არგენტინელმა ლეო მესიმ თავისი პირველი გოლის გატანა შეძლო 17 წლის ასაკში. ეს მოხდა 2005 წლის 1 მაისს როდესაც ბარსელონა მორიგ თამაშს ატარებდა ლა ლიგაში ალბასეტეს წინააღმდეგ. იგი გახდა ყველაზე ახალგაზრდა ფეხბურთელი რომელმაც გოლი გაიტანა ოფიციალურ შეხვედრაში. ამ შეხვედრაში მესი შეცვლაზე შემოვიდა როდესაც ანგარიში 1:0 იყო ბარსელონას სასარგებლოთ. მესიმ შემოსვლის თანავე გოლი გაიტანა თუმცა იგი არ ჩაითვალა თამაშგარე მდგომარეობის გამო. თუმცა სულ რამოდენიმე წუთში მან შეძლო თითქმის იგივე პოზიციიდან მსგავსი ხერხით გაეტანა გოლი.

[რედაქტირება] მსოფლიოს ჩემპიონატი 20 წლამდე

ჰოლანდიაში ჩატარებულ მსოფლიოს ჩემპიონატზე 20 წლამდე ფეხბურთელებს შორის მესიმ არა მარტო შეძლო მოეგო არგენტინასთან ერთად მსოფლიოს ჩემპიონის ტიტული არამედ იგი გახდა საუკეთესო ბომბარდირიც. აგრეთვე გამოკითხვის შედეგად იგი გახდა ამ მსოფლიო ჩემპიონატის საუკეთესო ფეხბურთელი.

[რედაქტირება] 2005-06 წლები. მესის კარიერა აღმავლობის გზაზეა

2005 წლის სექტემბერში არგენტინელმა ლეო მესიმ ხელი მოაწერა კონტრაქტს რომლის მიხედვით იგი ბარსელონაში 2014 წლამდე ითამაშებს. არგენტინელმა თავისი პირველყოფილი ნომერი შეიცვალა და ამჟამად ბარსელონას მაისურზე მისი გვარის ქვემოთ ციფრი ,,19" წერია ,30"ის ნაცვლად. მესი ძირითადი შემადგენლობის ფეხბურთელად მოიაზრება და ბარსელონას ფანების ერთ ერთი უსაყვარლესი ფეხბურთელია.

[რედაქტირება] მესის განლაგება მოედანზე

მესი არ არის ერთი ამპლუის ფეხბურთელი. მას ყველა პოზიციაზე შეუძლია თამაში. თუმცა მისი აღნაგობის გამო იგი მეტწილად ფლანგებზე თამაშობს. იგი ტექნიკურია და ამიტომ მისთვის პრობლემა არ არის რამოდენიმე ფეხბურთელის ჩამოცილება. თუმცა ხშირად იგი ცენტრალურ ნახევარმცველადაც გვევლინება.