მონპარნასი
ვიკიპედიიდან
მონპარნასი (Montparnasse), უბანი პარიზის სამხრეთში, სენის მარცხენა სანაპიროზე. იგი მდებარეობს რასპაისა და მონპარნასის ბულვარების გადაკვეთაზე, XIV ოლქში.
სახელწოდება მომდინარეობს პარნასის მთიდან, რომელიც ბერძნულ მითოლოგიაში მუზების სამყოფელი იყო. თავიდან ეს იყო შემაღლებული გორაკი, სადაც სტუდენტები ლექსებს კითხულობდნენ. XVIII საუკუნეში კი ადგილი გაასწორეს და სასეირნო ბულვარად გადააკეთეს. საფრანგეთის რევოლუციის შემდეგ აქ განთავსდა უამრავი საცეკვაო დარბაზი და კაბარე.
მონპარნასის უბნის სახელი დაერქვა მატარებლების სადგურს, სასაფლაოსა და კოშკს:
- მონპარნასის სადგური, საიდანაც მატარებლები გადის საფრანგეთის დასავლეთსა და სამხრეთ-დასავლეთისკენ, გრანვილიდან ტულუზამდე.
- მონპარნასის სასაფლაო, ანუ სამხრეთის სასაფლაო, სადაც დაკრძალულია შარლ ბოდლერი, სარტრი, სიმონა დე ბოვუარი, სამუელ ბეკეტი, გი დე მოპასანი, სენტ-ბევი, სერჟ გენსბურგი და სხვ.
- მონპარნასის კოშკი, რომელიც აიგო ოფისებისათვის 1969 - 1972 წლებში და არის 210 მეტრის სიმაღლის.
სექციების სია |
