Kattaij Läijsh
Us de Wikipedia
En Kattaij_Läijsh — dat säät dä Name — ess_en Läijsh di ėn_ner Kattaij stish. Wi küdd_enne_Duude en_en Kattaij? Dä eß doch ned_uß Pappendäkkell? Nää, eßß_e net, dat mööd_Er jäz suzesare jätt „ėn Aanförunge“ foshtonn, ed_ess_en „Läijsh“ enn_enner Kattaij odder_esu jäd_äänljjem, allso mieh enne duude Endrach enn_enner Lėßß, odder en Kattaij_Kaat met nix drop wat lääve däät, käijne rishtijje Duude us Fläijsj_un_Blood.
Wi kumme Kattaij_Läijshe en en Kattaij_erinn? Pass_op, dat kannß_de esu hann: Do melds Dish öönzwo aan, zom Bäijshpill obb_enner Websigk, un dann küßß_De ni_mi vidder noh do. Un Zack! es uß dinge Aanmeldung en Kattaij_Läijsh jewoode, op dä Websigk.
Et jit Lück, di maache sijj_enne_Shpaßß do drußß, dat se sijj_en jeede Lėßß endraare, en jeden Foaijn enträdde, jeeden_Kattaloch beshtälle, jeede Zäddel ußfölle un ungershriive, un wat nidd_all. Un_dann hann_se hengernoh met nix mieh jädd_am Hoot. Su_n Lück prodduzeere unn hingerlooße Kattaij_Läijshe ze_baasch.
Ävver janz urshprönglish, dat wolle mer on_noch saare, äntshtundte Kattaij_Läijshe och wääje rishtijje Dude. Do käät äijn övver Joohre ėmmer dor neußte Forsandthuuß_Kattaloch zojescheck, dann eßß_e jeshtůrrve. Ävver em Forsandthuuß wäijs_et noch Käijne. Un shoon hann di_jen Kattaij_Läijsh mieh em Kompjuter. Su kann_t jonn. Dä Kattaloch kridd_er jedenfallß wigger zojesheck, beß dadd_et aijne merrək. Dä moss_och ja_nit shtėrrve, ed_rigg, wänn hä ömtrigg_un verjißß de Nohsänndunge bäij de Poßß.
Joh, dat_woo_t övver Kattaij Läijsh.
[Ändere] Ußßerdämm
- Dä Zääl_Kandidat
