Ketteplöck
Us de Wikipedia
Ketteplöck (Taraxacum officinale agg.) eß_en miejöhrige Planz uss d'r Familisch vun d'r Korbblötejewääße (Asteraceae). Die miejöhrige Planz witt zwesche 10 un 30 cm huh. Ihr Blädder sehe säjezahnartisch uss, un driewen rond öm_en Poohlwuurzel uss. Aam Engk vum leere met Mileschsaff jefüllte Stengel setz_e_ne jääle Blötekopp, dä nur beij Sonneleesch opjeijht. Blöhe deet d'r Ketteplöck vun April bis Oktober. Wenn dä Ketteplöck verblöht eß un Sohme jebildt hätt, zeijch sich die sujenannte „Pustebloom“ met dä Kinder jään spille, indäm se dä Sohme öwer de Wiss bloose. Ketteplöck eß fass öwerall ze finge. Hä wiers op suure Wíese, langs de Wääschränder un en Jäärde in Europa, Asien un Nochtamerika. En de Bersch wiers_e bis zirka 2.800 m öwer NN.
[Ändere] Äßße un nit Äßße
Di Shtängelle sin ėnne hool, un ed_essen Aat Millesch dren, di eß jifftish. Ävver de Blädder, für allem, wänn se jung sen, kammer äßße un enne Schloot druß maache, oder se en der jrööne Schloot dren donn, öm der Jeschmack jät ann_ze_hëvve. Eß läkkor un schweer jesonnd.
[Ändere] Websigge
| Commons: Löwenzahn — Bėllder, Fillemsher, un Töhn |
