Kumede
Us de Wikipedia
(mih kölsche Sigge)
un jeschrevve wie beim Wrede oder bei der Akademie för uns kölsche Sproch
(mih Sigge jeschrevve wie beim Wrede oder bei der Akademie för uns kölsche Sproch)
De Kumede es e kölsch Thiater. Aanjefange met däm Thiaterspille han se 1947. Dat woren domols ärm Zigge, wo vill Lück de Muul mem Hölzje opstippe däte. För die Hungerligger wor'et wichtig, dat se och ens laache kunnte. Doför han se de Kumede jejründt. Zickdäm jitt et jedes Johr e neu Stöck. Esu öm die 20 Thiaterlück vum Heimatverein Alt-Köln zeije allemolde en dr Aula vum Berufskolleg Perlengraben ene löstije Schwank.
[Ändere] Verein
Die Veraanstaltung weed orjaniseet vum Heimatverein Alt-Köln e. V. - Verein zur Pflege kölnischer Geschichte, Sprache und Eigenart, gegründet 1902.
[Ändere] Wat han se jespillt?
[Ändere] Em Joohr 2005: „Papeer ess (un-)jedöldich“
Ene duselije Rentner hät us Versinn 5000 Euro en et Aldpapier jeworfe. Doch die Sökerei en däm Papierstapel mäht die Lück janz jeck, wäje dänne ahle Liebesbreef, schwatze Rechnunge un illejaale Spendequittunge. Dat Stöck heiß em Huhdeutsche Liebe, Geld und Altpapier, jeschrevve vum Autor Hans Gnant. Der Willi Reisdorf (Vürsitzender vum Verein) un der Hermann Hertling (Thiaterleitung) han der Explizier en et Kölsche üvversatz.
