Lêkerên kurdî
Ji Wîkîpediya
| Rêziman |
| Daçek (prepozîsyon) |
| Cînav (pronav) |
| Hoker (adverb) |
| Lêker (verb) |
| navdêr (substantîv) |
| rengdêr (adjektîv) |
| Pirtûkên rêzimanê |
| Zimannasî |
| Etîmolojî |
| Lîsteya zimannasan |
Lêkerên kurdî peyvên liv, livîn û livandinê yên zimanê kurdî ne. Bo nimûne, hatin, çûn, kirin, kuştin û mirin lêker in lê sêv, sor, baş, mal yan di, li, jê ne lêker in.
Ev rûpel li ser tewîn (çemîn) û xebitîna lêkerên kurdî ne.
[biguherîne] Tewîna lêkerên kurdî
[biguherîne] Komên lêkeran li gor tewînê
Koma I
| Rader | Rayê lêkerê | Dema niha |
|---|---|---|
| barîn | -bar- | dibare |
| bezîn | -bez- | dibeze |
| bûn (3) | -b- | dibe |
| çûn | -ç- | diçe |
| dizîn | -diz- | didize |
| gihan | -gih- | digihe |
| kolan | -kol- | dikole |
| renîn | -ren- | direne |
Ravek bo koma I
Ji bilî lêkerên anîn, dirûn, gan, girîn, jîn, man, şiyan û zan hemû lêkerên bi tîpên în, ûn û an bi dawî tên, dikevin vê komê. Di dema niho (presens) û ya bêt (future) de, în' an ûn yan ana xwe wenda dikin û paşgirên kesîn û pêşgirên demkî yan ên negasyonî digirin.
Koma II
| Rader | Rayê lêkerê | Dema niha |
|---|---|---|
| axiftin | -axiv- | diaxive |
| girtin | -gir- | digire |
| guhertin | -guher- | diguhere |
| lîstin | -lîz- | dilîze |
| kuştin | -kuj- | dikuje |
| jendin | -jen- | dijene |
Ravek bo koma II:
Ji bilî lêkerên bi tîpa a+dengdarek+tin bi dawî tên, hemû lêkerên bi dengdarekê (konsonant, îng. consonant) û her sê tîpên tin/din bi dawî tên, ciyê xwe di vê komê de digirin. Di demên niho û ya bêt de tin/din dikeve û eger ji berî wê tîpa f hebe, dibe v (axiftin > diaxivim), s dibe z (lîstin > dilîzî) û ş dibe j (kuştin > dikujin).
Koma III
| Rader | Rayê lêkerê | Dema niha |
|---|---|---|
| axaftin | -axêv- | diaxêve |
| bijartin | -bijêr- | dibijêre |
| biraştin | -birêj- | dibirêje |
| guhastin | -guhêz- | diguhêze |
| hejmartin | -hejmêr- | dihejmêre |
| parastin | -parêz- | diparêze |
| qewartin | -qewêr- | diqewêre |
| ve/şartin | ve-şêr- | ve/dişêre |
Ravek bo koma III
Hemû lêkerên bi tîpa a + dengdarek +tîn bi dawî tên, dikevin vê komê. Di dema niha û ya bêt de a dibe ê û tin dikeve. Eger li berî tinê f hebe, dibe v (axaftin > diaxêvim), s dibe z (parastin > diparêze) û ş dibe j (biraştin > diparêjin).
Koma IV
| Rader | Rayê lêkerê | Dema niha |
|---|---|---|
| birin | -b- | dibe |
| kirin | -k- | dike |
| xwarin | -xw- | dixwe |
| çê/kirin | çê-k- | çêdike |
| ra/kirin | ra-k- | radike |
| ve/xwarin | ve-xw- | vedixwe |
Ravek bo koma IV:
Ji bilî lêkera mirin, hemû lêkerên li dawiya wan dengdêrek (vokal, îng. vowel) û rin (di soranî de rdin) heye, dikevin vê komê. Di demên niha û bêt de rin (rdina soranî) û dengdêra li pêş wê dikevin.
Koma V
| Rader | Rayê lêkerê | Dema niha |
|---|---|---|
| afirandin | -afirîn- | diafirîne |
| ceribandin | -ceribîn- | diceribîne |
| çandin | -çîn- | diçîne |
| stendin | -stîn- | distîne |
| xwendin | -xwîn- | dixwîne |
Ravek bo koma V:
Hemû lêkerên bi andin an endin bi dawî tên, dikevin nav vê komê. Di dema niha û ya bêt de andin an endin dikeve û în (di soranî û hin devokên kurmancî de ên) têt şûna wan.
Koma VI
| Rader | Rayê lêkerê | Dema niha |
|---|---|---|
| nivistin | -niv- | dinive |
| xistin | -x- | dixe |
| maliştin | -mal- | dimale |
| rû/niştin | rû-n- | rûdine
|
Ravek bo koma VI:
Ji bilî lêkerên ristin û hiştin, hemû lêkerên bi -istin an jî -iştin bi dawî tên endamên vê komê ne. Di dema niha û ya bêt de -istin/-iştin dikeve.
Koma VII
| Rader | Rader 2 | Rayê lêkerê | Dema niha | |
|---|---|---|---|---|
| anîn | înan/hênan | -în- | tîne | |
| avêtin | avêştin | -avêj- | diavêje | |
| cûn | cûtin | -cû- | dicû | |
| dirûn | dirûtin | -dirû- | didirû | |
| dîtin | bînan | -bîn- | dibîne | |
| dotin | doşan | -doş- | didoşe | |
| firotin | firoştin | -firoş- | difiroşe | |
| gan | - | -gê- | digê | |
| gotin | - | -bêj- | dibêje | |
| hatin | - | -ê- | tê | |
| hiştin | hêlan | -hêl- | dihêle | |
| jîn | jiyan | -jî- | dijî | |
| kan | kiyan | -kê- | dikê | |
| ketin | keftin | -kev- | Dikeve | |
| man | - | -mîn- | dimîne | |
| mêtin, mêhtin | mêjan | -mêj- | dimêje | |
| mirin | - | -mir- | dimire | |
| pan, payîn | - | -pê- | dipê | |
| patin, pehtin | pêjan | -pêj- dipêje | ||
| rêtin | rêjan | -rêj- | dirêje | |
| ristin | rêsan | -rês- | dirêse | |
| sotin | sojan/sojîn | -soj- | disoje | |
| şiyan | - | -şê- | dişê | |
| şkestin | şkiyan | -şkê- | dişkê | |
| şûştin | - | -şo- | dişo | |
| xwestin | xwastin | -xwaz- | dixwaze | |
| zan | - | -zê- | dizê |
Ravek bo koma VII
Lêkerên vê komê heftem bêrêz in û qaydek ji bo çawantewîna wan tine ye. Di pirraniya zimanên hindo-ewropî (îngilîzî, almanî, îspanî û hwd) de lêker di demên raborî (îng. past tense) de bi bêrêzî ditewin lê ev bêrêzî di zimanê kurdî de tine ye. Bêrêziya van peyvên jorîn di zimanê kurdî de di demên niha û yên bêt de ye.
