Henry Jenner

Dhiworth Wikipedia, an godhoniador rydh

Henry Jenner (1848-1934) o hembrenkyas a dhasserghyans an yeth Kernewek a-varr. Ev veu genys yn Sen Kolomm; pronter o y das. Wosa 1869, y'n jevo soedh yn Adran Hen Dhornskrifow an Gwithti Predennik der gerensa y das gans Arghepskop Kargens. Jenner a bresentyas skrifenn dhe'n Kowethas Filologiek a-dro dhe'n tavas Manowek yn 1874.

Jenner a dhiskwedhes Keynskrif an Chartour orth an Gwithti Predennik yn 1877. Y hwrug ev lies kevrenn gans omsav bretonek keltek y'n blydhynyow 1890 ha 1900. Yn 1903, y kwrug ev pregoth yn Kernewek orth Lesneven, Breten Vyghan. Y'n keth blydhen, Jenner eth ha bos bardh a Orsedh Breten Vyghan, hag a fondyas an Cowethas Kelto-Kernuak. Gras dhodho y teuth Kernow ha bos esel leun an Kuntelles Keltek yn 1904 ynwedh. Ev a skrifas Handbook of the Cornish Language yn 1904, an lyver y tyskas Robert Morton Nance an yeth dhiworto.

Yn 1909, yth omdennas Jenner ha'y wreg Kitty dhe Heyl (an dre yn le y feu Kitty genys). Jenner o soedhek Lyverva Morrep a 1912 dhe 1927. Gorsedh Kernow ev a selyas yn 1928, hag y teuth va ha bos an kynsa Bardh Meur an Orsedh. Gwas Myhal o y hanow bardhek.

Yma sampel a skrifennow Jenner orth wikisource, h.y. an gan Dhô'm Gwrêg Gernûak.

[chanjya] Versyon yn Kernûak Jenner î hŏnen

Henry Jenner (1848-1934) o hembrenkyas a dhasserghyans an tavas Kernûak a-varr. Ev vê gennes yn Sen Colom; pronter o î dâs. Ŏja 1869, ev an jeve sôdh yn Adran Dornscrîfow Kôth an Gwithti Predennik der gerenja î dâs gan Arghepskop Cargens. Jenner a bresentyas skrefen dhô'n Cowethas Filologîek a-drô dhô'n yêth Manowek yn 1874.

Jenner a dhisquedhas Keynscrîf an Chartor orth an Gwithti Predennik yn 1877. Ev a wruk lias kevren gans omsav bretonek keltek y'n bledhenyow 1890 ha 1900. Yn 1903, y kwruk ev pregoth yn Kernûak orth Lesneven, Breten Vîan. Y'n kêth bledhan, Jenner êth ha bôs bardh a Orsedh Breten Vîan, hag a fondyas an Cowethas Kelto-Kernuak. Grâs dhodho y têth Kernow ha bôs esel lên an Kuntelles Keltek yn 1904 ynwêdh. Ev a scrîfas Handbook of the Cornish Language yn 1904, an lyver y tyscas Robert Morton Nance an yêth dhŏrto.

Yn 1909, Jenner ha'y wrêg Kitty a omdennas dhô Heyl (an drê yn lê y fê Kitty gennes). Jenner o sôdhek Lyverva Morrep a 1912 dhô 1927. Gorsedh Kernow ev a selyas yn 1928, ha Jenner a dhêth ha bôs kenja Bardh Mêr an Orsedh. Gwâs Myhal o y hanow bardhek.

Ema sampel a scrifennow Jenner orth wikisource, h.y. an gân Dhô'm Gwrêg Gernûak.

Bleynyes gans: (kynsa y'n soedh)

Bardh Meur 1928–1934

Holyes gans: Mordon

[chanjya] Kevrennow yn-mes

• Gwiasva Gorseth Kernow a-dro dhodho
• Lyver a-dro dh'y vywnans, Henry and Katharine Jenner: A Celebration of Cornwall’s Culture, Language and Identity, pennskrifys gans Derek R. Williams (ISBN 1-903427-19-3)
• Awayl herwedh Sans Mark, peswar chapter treylys gans Jenner