Alexius Stachanov

E Vicipaedia

Latinitas huius paginae est inspicienda. Vide {{latinitas}}.

Alexius Stachanov in puteo

Alexius Gregorii filius Stachanov (Russice Алексей Григорьевич Стаханов, Aleksej Grigorjevič Stachanov; natus 3 Ianuarii 1906, mortuus 5 Ianuarii 1977), operarius industriae carbonariae Sovieticus, fuit initiator motus operariorum pro amplificatione productivitatis laboris (in eius honorem motum Stachanovensem nominati) in Unione Sovietica.

Alexius Stachanov natus est 21 Decembris 1905 (3 Ianuarii 1906 Calendarii Gregoriani) in vico gubernii Oriolensis in familia rustica. Ab anno 1927 erat operarius putei nomine Centralis-Irmino, in urbe Cadievca (nunc regionis Donetscensis) Ucrainicae RSS locati. Noctu 30 – 31 Augusti 1935 fossor Stachanov in 5 horis et 45 minutis extraxit 102 tonnas carbonis (quater decies magis quam norma). Talis amplificatio productivitatis laboris facta est possibilis praeparationis praevalentis et melioris organisationis laboris gratia. Adeptio illa maxime laudabatur et facta est exemplum pro operariis Unionis Sovieticae, quorum multi etiam cumulos operosos affectaverunt et accesserunt. Alexius Stachanov honoratus est, anno 1936 factus est membrum Factionis Communisticae Unionis Sovieticae et electus est legatus Sovieti Supremi URSS. Annis 1936 – 1941 Stachanov Moscuae in Academia industriali studebat. Annis 1941 – 1942 erat praefectus putei in urbe Caraganda Casachicae RSS. Annis 1943 – 1957 Moscuae in ministerio industriae carbonariae laborabat. Anno 1957 Stachanov rediit in regionem Donetscensem (quae tunc, ad annum 1961, regio Stalinensis nominabatur) Ucrainicae RSS, ibi officia vice administratoris (ad annum 1959) et assistantis ingeniarii primarii (ab anno 1959 in industria carbonaria administrabat. Anno 1970 factus est Heros Laboris Socialistici. Ab anno 1974 erat quiescens. Alexius Stachanov mortuus est 5 Ianuarii 1977. Postea urbs Cadievca in eius honorem renominata est.