Aostrem
Van Wikipedia
- Dit artikel is gesjreve in 't Mestreechs. Ómdat 't plaatsgebónje is, maogs doe 't ómzètte nao 't Venrods, as te dit dialek sjpriks.
Aostrem (ouch wel gesjreve Aostrum, Nederlands Oostrum) is e dörp in de Nederlands-Limburgse gemeinte Venroj, t'n oeste vaan de plaots Venroj, bij 't Landgoed Geistere. Aostrem had op 1 janauri 2006 2157 inwoeners.
Bij Aostrem ligk de statie vaan Venroj. Dao is 'n tbs-kliniek gevesteg.
Aostrem weurt veur 't iers geneump in 1257 es Oosterham, es 't in lein weurt gegeve aon Gerard van Oej. Zie kestiel D'n Aekehaof stoont op oongeveer 'ne kilometer vaan aostrem aof; dit kestiel is ind e veertiende iew vervalle. Roond 1350 vinthei 'n Maria-versjiening plaots, boedoor de plaots tot beejvaartsoord oetgreujt en 'n kapèl gestiech weurt. Aostrem blaof daonao nog iewelaank e gehöch wat bij de parochie Venroj huurde. In de jaore daarteg vaan de twintegste iew kaom dao pas verandering in: me bouwde op de plaots vaan de kapèl 'n neo-gotische kèrk en in 1938 woort Aostrem oetgerope tot 'n zelfstendege parochie.
