Fotografie
Van Wikipedia
- Dit artikel is in mierder Limburgse dialekte gesjrieve. Perbeer ezzebleef wel mer ei dialek per alinea aan te hawte.
Fotografie is 't make van aafbeildinge mit behulp va leech en anger vorme va sjtraling. 't Woerd is aafgeleid van 't Grieks en beteikent letterlik sjrieve mit leech (φωτος phootos=leech, γραφειν graphein=sjrieve). Immes dae aan fotografie deit numt me 'ne fotograaf. Veur 't make van 'n foto mak me gebroek van 'ne kamera.
[bewirk] Gesjiedenis
In 1816 meukte Joseph Nicephore Niépce de eirste foto vanoet zien raam mit ein plaat van lichtgeveulig materiaal (asfalt) in ein camera, dea der camera obscura neumde. 't Beeld det doamit gemaakt wurd waas ein negatief. 't Woor neet gefixeerd woodoor 't noa beleechting boete de camera verloeare ging. De foto's die der haaj gemaakt numde der retinas.
Mer Louis Jacques Mandé Daguerre weurd duk besjouwd es de oetvinjer van de fotografie. In 1831 ging hea verder mit 't ongerzeuk van Joseph Niépce, mer hea gebroekte gein asfalt mer zilverjodide. In 1837 ondikte hea toevallig det der ein latent beeld haaj gemaakt. Hea haaj 'n verzilverdje koperplaat mit zilverjodide beleecht en die in kwikdamp gehoaje. Doaop kosj der 't beeld zeen. Hea neumde dit Daguerreotype.
In 1843 ontwikkelde William Henry Fox Talbot ein maneer om papeer lichtgeveulig te maken door 't onger te dompele in ein zoutoplossing en doanoa in un zilvernitraatoplossing. 't luktje um 't beeldj te fixere en hae ontdiktje de negatief-positiemethode.
