Hastings Kamuzu Banda
Van Wikipedia
Dit artikel is gesjreve in 't Nuts. 't Weurt gewaardeerd óm in dit artikel 't Nuts aan te hauwe of aan te gaeve welk anger dialek gebroek is.
Dr. Hastings Kamuzu Banda (1896 – 25 november, 1997) waor president en veurmalige dictator van Malawi. Banda is opgegegerujd as inne Presbyteriaan, en hae haet jaore lank in 't Vereineg Keuninkriek gewoend, woe hae ouch 'n opleiding as dokter haet gehad. Toen 'r truukging nao zien geboerteland, 't toenmalige Nyasaland kos 'r zien modertaal Chinyanja neet vloeiend kalle, en hau 'r inne tolk nudig. Hae haet campagne geveurd taege de Central African Federation, die opgeheve is in 1963, en toen haet hae 't landj tot onaafhankelikhied gelied as Malawi.
Op 11 fibberwari 1963 is hae iejsjte minister gewore en president in 1966, toen Malawi tot rippebliek woert oetgerope. In 1971 haet 'r zichzelf tot President for Life beneumd.
Gedoerende zien ein-partie heersjappie haet 'r tenminste 320 meljoen VS dollar aan persoenlike bezittinge vergaard. Hae waor ein van de wienige Afrikaanse hiesjers die diplomatieke beng ongerheeld mit Zuud Afrika gedoerende de apartheid.
Doer zien conservatisme is tillevisie pas in de neugentiger jaore toegelaote in Malawi.
Hae gebroekde zien presidentiële macht om 'n kleiercode in te veure vuur alle burgers van Malawi. Vrouwluui móchte hun dieë neet laote zeen en breuk waore neet toegesjtaon. Vuur mansluui waor lang haor e teike van onenigheid mit 't regime en dus ouch neet toegesjtaon. Ze koste weure opgepak veur 'n gedwonge knipbuurt doer douane of pliesie.
Oeteindelik sjtóng Banda 't toe om in 1994 democratische verkezinge te hawwe, woe 'r mit euvertuging versjlage woerd doer Bakili Muluzi oet 't zude van 't landj.
Banda sjtörf in 1997 in 'n krankehoes in Zuud Afrika.
