Hemelvaart
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Hemelvaart (Latien: In ascensione Domini = 't nao de hemelsjtiege van de Hièr) ies 'ne katholieke fièsdaag. Op de vièrtigste daag nao Paosje, dónderdig tièn daag veur Pinkstere weurt 'r gevierd. Herdach weurt de hemelvaart van Christus (Handelinge 1:9-11). Traditioneel doon väöl kinger op dezen daag de 1e Heilige communie. Dèks weurt'r, vanwege de vrieje fièsdaag, de Hepi-vakantie aangekoppeld. Dat ies de periode tösje (He)melvaart en (Pi)nkstere.
Maria Hemelvaart of Maria-tenhemelopnumming vèlt op 15 augustus. Op daen daag weurt o.m. de kroedwösj gewiejd.