Hoes Kruisdonk
Van Wikipedia
Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.
Hoes Kruusdonk ies 'n kesjtièlechtig landhoes in de gemeinte Mestreech vlakbie Rothem. 't Sjteit op de plek woa oats de kruusmeule van de proosdie van Meersje haet gesjtange. Róntelum liek 'n park mèt vieversj en fónteine. Aansjletend 'ne bösj.
[bewirk] Historie
't Geboew dateert van 1880. De opdrachtgever waor de sjtiechter van de MOSA-fabriek, teves lid van de Ièrsjte kamer van de Sjate generaal. Hae waor getrouwd mèt Louise, barones Michiels van Kessenich. In 1900 woort 't complex verboewd. Oet daen tied sjtamme ouch 't koetsjhoes en 'n porteersweunig (mèt sjpeklaoge). In 1994 haet renovatie plaatsgevónge. Allewiel zin d'r kentoare in gevestig.
[bewirk] Boew
De boewsjtiel ies eclectisch. Opvallend ies de felgeel gesausde kleur van de moere. 't Hoes haet twiè tores. Eine mèt 'ne rónne toresjpiets en 'ne groatere, mèt boved'rop 'n oetziechbalkón. De inganksluifel ies verseerd mèt sjmeedwerk. Zoa ouch 't euverdèk terras/bakón.
