Kroenekrane
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
De Kroenekrane of Gruiformes is 'n femilie vaan groete veugel, die uterlik op de Storkachtege liekene meh mèt oonder andere de ralle tot 'n eige orde, de Kroenekraanachtege, huurt.
De naom kroenekrane is 'n onomatopee, 'ne naom dee door geluidsnaobootsing gevörmp is, zjus wie koekoek of kleunkske (vroedmeesterpad).
De bieste koume euver de ganse wereld veur, vaan subarctische tot tropische streke. Ouch in Nederland en 't Belsj leve ze, meh zien dao zeldsem, umtot ze bekans allein es doortrèkkers veurkoume.
Kroenekrane weure in väöl len verierd es goddelike, heilege bieste, veural in Oos-Azië.
[bewirk] Soorte
- Gewoene Kroenekraan (Grus grus)
- Zavelbergkraan (Grus canadensis)
- Trompötkraan (Grus americana)
- Saruskraan (Grus antigone)
- Brolga (Grus rubicunda)
- Siberische kraan (Grus leucogeranus)
- Witnekkraan (Grus vipio)
- Monnekskraan (Grus monancha)
- Zwartnekkraan (Grus nigricollis)
- Sjinese kraan (Grus japonensis)
- Blauwe kraan (Anthropoides paradisea)
- Jófferkraan (Anthropoides virgo)
- Zwartkroenskraan (Balearica pavonica)
- Grieskroenskraan (Balearica regulorum)
- Lelkraan (Bugeranus carunculatus)
