Leviticus
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
Leviticus is 't daarde book vaan 't Aajd Testamint en behuurt tot de Pentateuch of Thora. De naom Leviticus liber is 'n latinisering vaan 't Aajdgriekse Λευιτικόν βιβλίον; de Hebreeuwse naom is ויקרא. 't Is e book vaan wette euver d'n ieredeens en de sameleving, die in de Sinaï-weuste door God aon Mozes weure opgedraoge. 't book gif e good inziech in de streng regele die golde veur seksuelen umgang die allewijl nog veur problematische situaties zörge binne religieuze gemeinsjappe. Binne 't christendom besteit de neiging dit book mier es e Juuds wètbook te besjouwe en zeker neet gaans es wèt aon te numme.
[bewirk] Samevatting
God reveleert Mozes de regele veur offers, en wel brandoffers, graanoffers, vree-offers, zuveringsoffers en herstèloffers (1 t/m 7). Dees regele zien veural veur preesters, meh ouch veur gewoen börgers gemeind. Daan weure Aäron en zien zäöns es preester gewijd (8) en stèlt Mozes d'n offerdeens in (9), boebij God laot zien wie èng zien veursjrifte genome mote weure (10). Dan lègk God oet welke diere zuver en oonzuver zien (11), en wienie zoeget veur minse gèlt (12 t/m 15). In sjapiter 16 lègk God de rituele veur de Groete Verzoondaag (Jom Kippoer) oet.
Houfstukke 17 t/m 26 bestoon oet regele veur 't volk. Blood is levekrach, daorum mote geslechte diere iers oetbloje ietot ze gegete kinne weure (17). D'n Hier verbeet inces, homoseksualiteit en zoöfilie (18) en predik gulheid, oonpartijdegheid en ierlikheid (19). Sjapiter 20 herhaolt nog ins väöl vaan de veursjrifte. Preesters kriege extra streng regele opgelag (21), meh mage wel vaan de heileg offergave ete (22). In 23 weure de fiesdage gegeve. Blasfemie moot gestraf weure mèt steineging (24). De hier stèlt e sabbatsjaor en jubeljaor in (25) en verbeet de Jäö nog ins aofgaodsbilder te make (26). Tenslotte zèt Heer oeterein wie me door offers geloftes kin aofkoupe (27).
[bewirk] Externe link
| Biebel: Aajd Testamint - Nui Testamint |
|---|
| Genesis | Exodus | Leviticus | Numeri | Deuteronomium | Jozua | Riechters | Ruth | 1Samuel | 2Samuel | 1Keuninge | 2Keuninge | 1Kronieke | 2Kronieke | Ezra | Nehemia | Esther | Job | Psame | Spräöke | Prediker | Kantieke | Jesaja | Jeremias | Lamentaties | Ezechiël | Daniël | Hosea | Joël | Amos | Obadias | Jonas | Micha | Nahum | Habakuk | Sefania | Haggai | Zacharias | Maleachi |
