Omroep Limburg
Van Wikipedia
Dit artikel is gesjreve in 't Sjènnes. 't Weurt gewaardeerd óm in dit artikel 't Sjènnes aan te hauwe of aan te gaeve welk anger dialek gebroek is.
Omroep Limburg is in 1989 ontsjtange naodat de NOS alle regionaal omrope how verzelfsjtendigd. Vanaaf 1 jannewari dat jaor klonke neet mae de historische weurd "Dit is Maastricht, de Nederlandse Omroep Stichting met een programma van de ROZ" oet de luidsjpreakers, meh de klanke van Omroep Limburg.
[bewirk] Reportagewages
Alle omrope die vreuger van de NOS waore, en die dös auch gebroek makde van reportagewages van de NOS, krege es se eine wage van de NOS zjus op dat moment in hoes howwe dèzze wage veur niks. Es ROZ heije ze nog eine wage in Hilversum gereserveerd veur ein oetzending. Dae wage keem nao Mesjtreech en bleef dao in de graasj sjtaon. Op 1 jannewari heel de ROZ op te besjtaon en woord alles wat op dat moment in gebroek waor automatish eigendom van de nuje omroep, Omroep Limburg. Hieveur hoofde niks betaald te waere, want minister Brinkman how destieds besjloate dat de NOS alles kosteloos moos euverdrage aan de nuuj omroepe. Dit heel auch in dat 't geboew en de sjtudio's veur niks euvergedrage mooste waere aan Omroep Limburg. Sjus op dat momènt how de ouw ROZ eine graote en 'ne kleine reportagewage in hoes. Die woorte dös automatisch eigendom van Omroep Limburg. Later höbbe ze dae graote wage omgeruild veur twae kleiner wages, want dae graote wage pasde neet in de graasj onger 't geboew, en moos dös ummer boete blieve sjtaon.
[bewirk] Samewirking mèt TV8
Wie in jannewari 1997 TV8 Limburg begos mèt tillevisie waore ze op dat moment nog de enigste. Omroep Limburg waor nog neet vaerdig met de boew en inrichting van hun tillevisiesjtudio. Pas in september dat jaor kaom Omroep Limburg d'r biej. Omdat Omroep Limburg vanwege sjaarste in de ether naodgedwonge de kabel op moos, wo eigelik auch gein plaats waor, mooste ze 't kanaal mèt TV8 gaon deile. Dat heel dös in dat tösje kwart op zeve in de aovend en kwart veur zeve sjmörges TV8 te zeen waor en euverdaag van kwart op zeve tot kwart veur zeve saoves Omroep Limburg. Tösjetieds moos in die hauf oer 't beeld op zjwart van 't Commissariaat veur de Media. Dit wèrkde neet good; allebei de nuutsprogramma's brachte bieveurbeeld ongevaer 't zelfde. Dös woorte planne gemak of 't mesjien neet meugelik waor same te gaon. Dat goof èvvel probleme. Es publieke omroop maogs se neet ein commercieel programma make. Om die reije waor ein fusie oetgesjlaote. Daorom ies gekaoze veur ein samenwèrkingsverbandj. De programma's waere gemaak door ein commercieel bedrief. Dit bedrief is 't huidige L1. L1 mak de programma's mèt geldj dat ze kriege oet reclamegelde. Omroep Limburg is eigenaer van de vergunning, meh besjteet 't oetzende oet aan L1 en betaald ze dao ouch veur. Allein haet Omroep Limburg zègkesjap euver 't programmabeleid. L1 is dös producent en zörg veur de oetzending in opdrach van Omroep Limburg. 't Sjtudiogeboew van L1 is daorom neet eigendom van L1 meh van Omroep Limburg.
