Sjuul Pukkel
Van Wikipedia
Dit artikel is gesjreve in 't Sjènnes. 't Weurt gewaardeerd óm in dit artikel 't Sjènnes aan te hauwe of aan te gaeve welk anger dialek gebroek is.
Sjuul Pukkel (* 9 januari 1943 in Sjweikese) is de sjoelnaam va de 'dichtende bekker' Pierre Meels oet Sjènne.
Sjuul Pukkel trèk al gans get joare ten sjtriede taege de in zien ouge groate volksjverlakkerie en missjteng door de euverheid. Ouch trèk 'r ten sjtriede taege de gevestigde orde. Ein groat aantal gedichter haet hae gebunjeld in eine dichbundel getitelt "Monoloog en Chronologische gedichten van Sjuul Pukkel" (eige oetgaaf, 1988). In 1998 tensjlotte kaom nao zös jaor sjrieve zien eige book oet mèt de titel Wij, Maffia B.V. Nederland Ons aards paradijs. Meh omdat 'r geine oetgaever kos vinge, haet 'r alles gans zelf motte betale.
[bewirk] Pukkel
Sjuul Pukkel haet ziene naam te danke aan ziene pukkel dae 'r op zien gezich haw. Dèzze pukkel haet 'r begin 2006 loate weghaole.
[bewirk] Lubbers
Sjuul Pukkel haet in het verleje genog vläög oetgehaold en op versjillende wies 't nuujts gehaold. 't Meis ruchtmakende waor wie 'r 'n toesjpraok van de oud-minister-president Ruud Löbbesj versjtuèrde in de sjouwburg in Haelder in 1991. Langs ein aopesjtaonde, meh neet bewaakde ingangk wis hae de foyer in de sjouwburg te bereike en wachde dao op ein good moment om Löbbesj op zien meneer van repliek te dene. Wie Löbbesj zou gaon kalle, sjus op dat moment sjnoorde Sjuul Pukkel dem de moel mèt ein sjus ter plekke sjnel geïmproviseerd gedich. Mèt dèze daad how Meels neet allein zien doel bereik, meh kreeg hae ouch nog ins landelijke aandach. 't Veurval in de sjouwburg woort namelik oetgezonje door 't NOS Journaal en 't RTL nuuts.
[bewirk] literatuur
- Sjuul Pukkel - Wij, Maffia B.V. Nederland Ons aards paradijs: Uitgeverij het Hogere 1998
- Sjuul Pukkel - Monoloog en Chronologische Gedichten: Eigen uitgave 1988
