Zangvereiniging Orphée
Van Wikipedia
Dit artikel is gesjreve in 't Houtems. 't Weurt gewaardeerd óm in dit artikel 't Houtems aan te hauwe of aan te gaeve welk anger dialek gebroek is.
Zangvereiniging Orphée is 'n gemengk koar in Houtem - Sint Gerlach. 't Koar is opgerich es Société d' Orphée, 'n mannekoar, op 26 december 1864. 't Lèsgeld bedreug dan 5 Belzje francs per jaor of 1/2 franc per maond (€ 0.20). Van 1878-1992 vinge d'r gein repetities plaats. Ouch in de Ièrsjte waereldaorlog en in de Twiède waereldaorlog is 'dr wiènig activiteit. In 1969 weurt Orphée 'n gemengde zangvereiniging. De hudige dirigent, Piet Bours, haet al miè es 25 jaor de leiding.
[bewirk] Oetveuringe
Orphée geuf vanaaf 't begin concerte bie kèrmesse, processies, broelofte en mèt de vastelaovend. Zie bringk serenades en zingk eucharistievieringe, zoa-es: nachmès, dialekmès en huweliksmès. Geuf eder jaor 'n kaersjkonzaer. In samewèrking mèt ander koare oet de regio vingk d'r 'ne koaredaag plaats (mèt zangoetveuringe). In 't veurjaor is 'dr 'n veurjaorskonzaer of 'n lunchkonzaer.
[bewirk] Repertoire
Orphée zingk zoawaal klassiek, religieus es profaan. Naeve volksleedsjes, gospel, opera, operette en musical haet 't koar dialekleedsjes op häör repertoire sjtaon. Ouch haet zie 'n speciaal dialekmès mèt de vaste gezange in 't dialek (teks van Annemie Bemelmans-Steynebrugh) op muziek van Frans Schubert.
