Aesch BL
Us der alemannische Wikipedia, der freie Dialäkt-Enzyklopedy
Wappe | |
---|---|
|
|
Basisdate | |
Kanton: | Basel-Landschaft |
Bezirk: | Arlise |
BFS-Nr.: | 2761 |
PLZ: | 4147 |
Koordinate: | 47° 28' 10.97" n. Br. 7° 35' 39.92" ö. L. |
Höchi: | 315 m ü. M. |
Flächi: | 7.39 km² |
Iwohner: | 1015 (31. Dezember 2006) |
Websyte: | www.aesch.ch |
Charte | |
|
Technische Yschränkung: Dr koräkt Titel wär: »Ääsch« |
Dialäkt: Baseldytsch |
Ääasch (hochdytsch Aesch) isch e politischi Gmeind im Bezirk Arlise vom Kanton Basel-Landschaft in dr Schwiiz.
Inhaltsverzeichnis |
[ändere] Lag
Ääsch liggt an dr Birs uff 315 m.ü.M. zwyschem Faltejura (Blaue) und em Tafeljura (Gämpe). Dr Ort gränzt an Duggige, Pfäffige, Ettigä, Därwyl, Rynech und s'soledurnische Dornech.
[ändere] Wappe
S'Ääscher Wappe, wo syt 1937 offiziell isch, zaigt uff silbrigem Grund en schwarze Speer us Yse und rächts obe dra en rote Stärn mit säggs Straale. Es handlet sich dodrby ums Wappe vom usgstorbene Basler] Adelsgschlächt Macerel, wo im 14. Joorhundert die elter Ääschburg (hytte Ruine Bärefels) als Lehe gheert het.
[ändere] Gschicht
E jungstaizytlichs Dolmegrab, wo stärbligi Überräscht vo 47 Lyt dinne gsi sin, wyst uff e frieni Besiidlig vor Region hii. Im friene Mittelalter isch dr Ort relativ bedytend gsi, wie ryychi Grabfünd am Andlauerwäg (6./7. Jhd.) und am Salwäg (9./10. Jhd.) belegge. Am Saalwäg hett me au Spure vonere Kapälle uss karolinigischer Zyt gfunde. Bis ins 18. Joorhundert isch dr hytte normali Wäg ins Laufetal nid meeglig gsi, will d Birsschlucht bim Chessiloch z'Grellige nid z'überwinde gsi isch. Also isch dr Wäg ins (obere) Laufetal über dr Plattepass gange, wo au scho d Römer brucht hän. A däm Wäg, in dr Ääscher Klus, hetts Gschlächt "Ääsch" - e thiersteinischs Dienschtmannegschlächt, drei Burge, Münchsberg, Schalberg (Vorgänger Burg Engenstein) und Frohburg (au Tschöpperli gnennt) baut und dr Wäg so kontrolliert. S Gschlächt isch im 13. Joorhundert usgstorbe und ihrer Burge sin als Lehe an Bischof vo Basel ko. Bim grosse Ärdbebe vo Basel 1356 sin d Burge zersteert und verloo worde. Wäärend em Drissgjöörige Krieg isch s Dorf 1638 vo schwedische Truppe plünderet worde. 1792 ischs Fürschtbischtum Bsel uffghobe und als Raurakische Republik konstituiert worde. Die isch 1793 als Département du Mont-Terrible Frankrych yverleibt worde, so dass d'Ääscher kurzi Zyt Franzose gsi sin. 1815, noch em Wiener Kongräss, isch s Dorf definitiv zur Schwiizer Eidgenosseschaft ko.
[ändere] Verkeer
[ändere] öffentlige Verkeer
Ääsch liggt an dr Jurabahn Basel - Dälsbrg - Biel. Am Bahnhof, wo am linke Birsufer und dodrmit am Ortsrand gläge isch, haltet all halb Stund d Regio-S-Bahn Linie 3 (Dälsbrg-Laufe-Basel-Olte). In Ortskärn fahrt d Tramlinie 11 vo dr BLT, wo vo Basel kunnt und Ääsch als Ändstation hett. D Buslinie 65 fiehrt vom Bahnhof vo Dornach yber Ääsch noch Pfäffige.
[ändere] Strooss
D Schnällstroos J18 fiehrt vo Basel (Autibahn A2) bis noch Ääsch und heert am Dorfrand bim Schloss Angestai uff. D Hauptstroos vo Basel durs Laufetal fiehrt dur Ääsch.
[ändere] Sehenswürdigkeite
- Schloss Ääsch, 1606 erbaut, hytte vor Gmeindsverwaltig gnutzt
- Katholischi Chile, 1820 erbaut, mit Glasfänschter vom Jacques Düblin und Freske vom Hans Stocker.
- Schloss Angestai (uff Duggiger Bode)
- Ruine Münchsberg, Engenstein, Schalberg und Frohburg (Tschöpperli), alli uff Pfäffiger Bode.
[ändere] extärni Verbindige
Koordinate: 47° 28' 11 N, 7° 35' 40 O |
Dr Artikel basiert uf ´ra freie Ibersetzung vum Artikel „Aesch BL“ us dr dytsche Wikipedia. E Lischte mit de dörtige Autore kasch dörte aluege