Arosa

Us der alemannische Wikipedia, der freie Dialäkt-Enzyklopedy

Arosa isch en politischi Gmeind vom Kanton Graubünde im Bezirk Plessur i de Schwiiz. Es lit am obere Endi vum Schanfigg. De Ferie- und Erholigsort Arosa isch vor allem für sis schneesichere Skigebiet met über 70 Pistekilometer bekannt. Arosa hed öppe 2'300 Iiwohner, dezue chömed bis zu 12'500 Feriegäscht.

Inhaltsverzeichnis 1 Geografii 1.1 Seä 1.2 Gmeindsgrenze und Nachbardörfer 2 Skigebiet 2.1 Bergbahne

[ändere] Geografii

Arosa lit am obere Endi vom Schanfigg, das isch s Tal vo de Plessur wo in Arosa ds Quellgebiet hed und vo det bis uf Chur abeflüsst. Ds Tal wo ursprünglich im Oste vo Chur aafangt macht en langzogene Boge nach Süde, so dass Arosa nocher 15 km südöstlich vo Chur lit. Umgeh vo Berge liet Arosa imene braita Talchessl (3km) uf 1'700 bis 1'900 m.ü.M.. Ds Dorf Arosa erschtreckt sich über 2 km Längi, am meischte Wohnige und Hüüser heds am Ober- und Untersee.

Drü Sache präged s Landschaftsbild vo Arosa, d Berge rundume, d Seä und d Waldgrenze wo öppe uf 1'900 m.ü.M. verlauft. Westlich vom Dorf heds vor allem Weide und Gröllhaldene. Talabwärts, uf de 4 Kilometer nach Litzirüti heds en dichte Nadelwald.

[ändere] Seä

Im Quellgebiet vor Plessur heds mehreri Seä:

di bekannte beide im Dorf:

• Obersee (1'734m)
• Untersee (1'706m)

und:

• Älplisee (2'156m)
• Schwellisee (1'933m)

[ändere] Gmeindsgrenze und Nachbardörfer

D Gmeindsgrenze goht vom Aroser Wiishorn (2'653m) nach Süde über ds Plattehorn und Tschirpa zum Parpaner Wiishorn (2'824m) wiiter über ds Parpaner Rothorn (2'861m) zum Aroser Rothorn (2980m, und somit der höchschti Punkt vor Gmeind). Uf em Grat füehrt si vom Rothorn nach Nordoste zum Erzhorn (2'924m) und em Älpliseehorn (2'725m), si quert der Welschtobelbach uf 1'659m und stigt denn weder aa zum Grat vo dr Leidflue (2'560m), lauft um mehreri Talchammere ume und erreicht dr Sandhubel (2'764m) und nocher ds Valbellahorn (2'763m), das isch dr südöstlichsti Punkt ir Gmeind. Nocher heds mehreri Päss nach Davos, der Alteiner, Bärentaler und de Maienfelder Furgga, di höchschta Berga derta sind d Amselflue (2'781m), ds Furggahorn (2'727m) und ds Schiesshorn (2'605m).

Dur d Lag am Endi voma Tal, und em nöd zum Gmeindsgebiet ghörende Welschtobel, isch s Gmeindsgebiet huusiseförmig und wird vo volgende Gmeinde umschlosse,

Im Norde:

• Molinis
• Peist
• Langwies

Im Oste:

• Davos

Im Süde:

• Wiesen
• Schmitten
• Alvaneu
• Lantsch/Lenz

Im Weste:

• Vaz/Obervaz
• Tschiertschen

[ändere] Skigebiet

S Skigebiet erschtreckt sich über d Wisene im Nordoste (Hörnli) und Norde (Brüggerhorn). Es isch mit 70 Pischtekilometer uf 16 Pischtene eis vo de grössere im Kanton Graubünde.

[ändere] Bergbahne

D Bergbahne werded vo de Arosa Bergbahnen AG betribe.

Luftseilbahn:

• LAW (Luftseilbahn Arosa-(Mittelstation)-Weisshorn)

Gondelbahn:

• Hörnliexpress

Sesselbahne:

4er:

• Hörnli
• Plattenhorn
• Carmenna

3er:

• Tschuggen Ost
• Innerarosa-Tschuggen

2er:

• Brüggerhorn

Skilift:

• Ried
• Tschuggen West
• Tomeli
• Prätschli