Badisches Oberland
Us der alemannische Wikipedia, der freie Dialäkt-Enzyklopedy
S Badisch Oberland oder Oberbade isch d südlig Helfti vum Großherzogtum Baden gsii - dä Deil vum Badische, wu mer alemannisch im ängere Sinn schwätzt (also ohni s Schwäbisch). Im badische Unterland schwätzt mer drgege Südfränkisch. Dr Begriff isch siter em Zämmeschluss vu Bade un Wirttebärg zu Bade-Wirttebärg braktisch üsser Gebruuch; meischtens sait mer jetz (in dr gliche Bedittung) Südbade. Zwische 1952 un 1972 hets e "Regierungsbezirk Südbaden" gää - dä heißt hit - mit erheblich verändereter Gränz - "Regierungsbezirk Freiburg". S Badisch Oberland goht vu Iberlinge am Bodesee dur dr Südschwarzwald bis uf Raschtatt, dr Rhiin bildet d Süd- un d Weschtgränz.
