Benken SG
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Bännge« |
Bängge isch es Dorf i dr sanggallische Linthebeni. Äs liit ungfähr füüf Kilometer öschtlich vum Zürisee und rächts vum Linthkanal. Früecher isch es de Bezirkshauptort gsii vum Gaschter. Zu Bängge gchört au ä Landwirtschaftszone linggs vum Kanal. Deet befindet sich ä Vertäilstaziuu vum EW Züri. Dr Huusbärg isch dr Bänggner Büchel.
[ändere] Wirtschaft
D Landwirtschaft und s Chliigwärb sind wiitverbräitet. Dr wuel bekanntischt Unternämer isch dr Ernscht Jakober mit dr Firma Oergelihuus. Er isch au dr Kapällmäischter vu De urchige Glarner, re Schwiizerörgeliformaziuu wu s hüt nüm git, gsii. Wobii mer d Huusbäckeri Romer wo i de ganze Schwiiz ds Brot liferet nöd vergässe söll!
[ändere] Verchehr
Ä Hauptstrass mit Busverbindig fühert vu Richäburg uf Chaltbrunn. Bängge het ä äigene Bahnhof a dr Liniä Rapperschwil-Glarus-Linthal.
