Blansingen
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Blansige« |
Blansige (dt. Blansingen) isch e Ort im südliche Markgräflerland (Landchreis Lörrach, Bade-Württeberg, Dütschland) im Izugsgebit vum Grossrüm Basel. Politisch ghört die früeher selbständig Ortschaft sit 1974 zue dr Gmei Efrige-Chilche.
Mi sinere Lag in uf guet 350 m Höchi in dr Middi vum Chatzeberg isch Blansige dr nördlichscht Ortsdeil vu Efrige-Chilche. D'Ortschaft het guet 550 Iwohner (Stand 2005) un e Gmarkig vu 4,58 km².
Die erscht urkundlich Erwähnig vu Blansige stammt vu 1094. Domols isch e Deil vum Dorf in dr Besitz vum Chloschter Sant-Jerge im Schwarzwald übergange. Anno 1464 isch dr Ort no an d'Markgrafe vu Hachberg-Sausenberg gfalle, später no badisch (Bade-Durle) un demit in dr Reformation evangelisch worre.
S'Blansiger Wappe wiist uf die einschtig badisch Landeshoheit hi. S'im Schrägbalke ufglegt Schwert stellt d'Grichtsbarkeit vum ehemolige örtliche Adelsgschlecht dar.
As e typisch markgräfler Ortschaft zellt Blansige zum hochalemannische Dialektgebit.
[ändere] Webgleicher
- witteri Informatione/Quelle bi dr Gsamtgmei unter www.efringen-kirchen.de
- Historischi Chilche z'Blansige
| Koordinate: 47°41'29" N, 7°32'27" O |
