Cancún

Us der alemannische Wikipedia, der freie Dialäkt-Enzyklopedy

Cancún
Staat	Mexiko
Bundesstaat Gmei	Quintana Roo Benito Juárez
Längi Breiti	87° 0' O 20° 30' N
Höchi	0-10 m
Flächi	1922 km²
Iwohner (2004)	478 400 Iw.
Bevölcherigsdichti	249 Iw./km²

Dialäkt: Markgräflerisch (Ebringe)

Ruine in Cancún

Cancún isch e Stadt an dr Küste vu dr Halbinsel Yucatán im Bundesstaat Quintana Roo im östlichste Deil vu Mexiko gläge. Si het circa e halbi Million Iwohner (478.400 per 1. Jänner 2004) un isch bsunders als Touristezil weltbechannt.

[ändere] Gschichte

Bild:Beach at Cancún, México.jpg

Strand bi Cancún

Bis in die früehe 1950er Johre isch Cancún e vu dr Zivilisation witgehend uberüehrti Insel an dr Karibikchüste vu Yucatán gsi, mit einige wänige Fischerdörfer un präkolumbische Ruine vu dr Maya. Die mexikanische Regierig het sich domols gmeinsam mit internationale Privatinvestore entschlosse, e Urlaubsort z'errichte, um dr Tourismus az'churble. E Damm isch baut worre, um Cancún mit em Festland z'verbinde, usserdem e internationale Flueghafe. Cancún het ab dr früehe 1960er Johre agfange, starch zu waxe.

Hüt isch Cancún e Grossstadt, wo sich yber d'Insel nus uf s'nohgläge Festland usbreitet het. Die meiste Bewohner vu dr Stadt sin nit dert boreni Zuewanderer us andere Deile vu Mexiko oder dr Welt.

[ändere] Tourismus

Satellitebild vu Cancún.

Under junge US-Amerikaner under 21 isch Cancún e beliebt's Zil fer d'Früehjohrssemesterferie (Spring Break), um sich dert am Strand freizügig zügellos besuffe z'chänne (glaubt mer dr Berichte vu dr amerikanische Presse), wil in dr Staate Alkohol fer Lüt under 21 verbote isch.

Allgmein isch Cancún e beliebts Urlaubszil fer jungi Lüt us alle Herre Länder.

[ändere] jüngsti Ereignis

2003 isch Cancún international bechannt worre, wil do die ergebnislos 5. Ministerkonferenz vu dr Welthandelsorganisation (WTO) stattgfunde het.
2004 isch Cancún Gastgäber vu dr 73. Generalversammlig vu dr IKPO-Interpol gsi.
2005 het dr Hurrikan Wilma Cancún verwüestet.