Der Herr der Ringe
Us der alemannische Wikipedia, der freie Dialäkt-Enzyklopedy
 |
Dialäkt: Bärndütsch |
Der Herr der Ringe (änglische Originautitu: The Lord of the Rings) isch e Roman vom John Ronald Reuel Tolkien und giut aus Klassiker vor Fantasy-Literatur. Z änglische Originau isch 1954 und 1955 erschine, die erschti Dütschi übersetzig 1969/1970.
Dr Roman isch usserdäm buechtreu Verfiumet worde (Die Gefährten, Die zwei Türme sowie Die Rückkehr des Königs). Är het 17 Oscars abgruumt und ca. 2,9 Milliarde US-Dollar ibracht.
Inhaltsverzeichnis |
[ändere] Handlig
Wie scho im Titu schteit, geits umne Ring, nämlech am dunkle Herrscher Sauron sine, wo mues vernichtet wärde. Dr Frodo, ä Hobbit usem Aueland, het die zwifuhafti Ehr, dr Ring zum Schicksausbärg zbringe une dört z vernichte. Doch dr Wäg isch wit und es luure vili Gfahre am Wäg, wie Nazgûl, d Ringgeischter im Dienscht vom dunkle Herrscher. Doch es glingtne schliesslech, nach langem Wäg dr Ring i Schicksausbärg z wärfe undne somit z vernichte.
[ändere] Charakter
[ändere] Frodo
- Dr Frodo Beutlin isch e Hobbit. Är läbt im Auenland mit sim Adoptivvater und Onkel Bilbo Beutlin zäme. Är isch dr Ringträger.
[ändere] Gandalf
- Dr Gandalf isch zur Zit vom Ringchrieg Uuraut. Das gsetmenim aber nid aa, är isch nämlich e Maiar und die Auterä nie. Är duet d Ringgmeinschaft bis Moria aafüere, woner e Balrog besiegt. Spöter wird är wieder uferstange sy und aus "Gandalf, de Wissi" bekannt sy. Sis Ross heisst "Schattefäll" und isch de Fürscht vo de Rösser.
- Dr Gandalf isch wie scho gseit e Maiar, Maiar si Diener vo de Valar und die wiederum si d Chind vom Iluvatar, das isch dr Gott vo Ea und natürlich ou vo Mittelerde. Dr Gandalf isch mit 4 andere Maiar, em Saruman, em Pallando, em Aratar und em Radagast nach Mittelerde gsändet wordä, die 5 wärde Istari oder vo de Mönsche ou Zouberer gnennt, si si sehr mächtig, dr Saruman wär eigentlich dr Mächtigst aber wüu dr Gandalf uferstande isch isch är när mächtiger worde und het dr Vorsitz im Wysse Rat übernoh. Dr Gandalf het eine vo de drü Eubering.
- Dr Gandalf het tonnewis Übernäme.
- Hie si es paar ufglistet:
- Mithrandir
- Tharkûn
- Gandalf Sturmchräiä
- Láthspell
- Olórin
- Gandalf dr Graue
- Gandalf dr Wyss
[ändere] Sauron
- Dr Sauron isch dr Schmid "des einen Ringes", und der gröscht Find vo de Menschen, Hobbits, Zwergen und Elbe. Da dr Ring nid i sim Besitz isch, chaner keni Gschtaut anää, är zeigtsech aus füürumrandetes Oug.
[ändere] Aragorn
- Dr Aragorn isch ä Waudläufer usem Norde, är ghört zu de Dúnedain, u isch ä Nachfahre vom Isildur, em früecherige Chönig vo Mittuärde. Är füehrt zäme mit em Gandalf d Gmeinschaft vom Ring a. Dr Aragorn isch älter aus die meiste andere Mönsche, da är no Numenórbluet i sich het. Sis Schwärt heisst Anduril, das heisst Flammä vom Westä, früecher hets Narsil gheisse und es isch z Schwärt vom Elendil gsi, när ischs wieder nöi gschmidet worde. Sini Chindheit het dr Aragorn in Bruchtau verbracht wüu si Vater gstorbe isch und är dr Letscht Erbe vom Thron isch gsi dr Elrond dä isch wie ne Vater für ihn gsi, so het är viu vo ihm chönne lehre, drunger o sehr viu über d Heilkunscht, in Bruchtau het är sich o id Tochter vom Elrond Verliebt. I d Arwen, si het aus fasch so schön guute wie d Lúthien und isch vo viune begährt worde doch ihri Liebi het am Aragorn ghört. Speter hend die zwöi z Minas Tirith ghürate. Speter isch dr Aragorn ids Exiu dört het är dr Gandalf kennäglehrt und isch e guete Fründ vo ihm worde. Bi de Dúnedain het är glehrt wie me kämpft, är isch sogar ihre Afüehrer worde. D Dúnedain si ihm zu Hiuf cho wo är ufem Wäg nach Minas Tirith isch gsi, grad nach dr Schlacht vo Heumsklamm, si hei Grosses bitreit gäge d'Korsare und ir Schlacht um Minas Tirith. Nachdäm dr Ring vernichtet isch gsi und aues langsam wieder ids Lot isch cho. Isch dr Aragorn Chünig vo Gondor worde.
[ändere] witteri Bedütige vum Begriff "Herr der Ringe / Herr vu de Ring"
Wäge sinem komplexe Ringsystem wird dr Planet Saturn au gern aus "Herr vu de Ring" bezeichnet.
[ändere] Verfilmig
The Lord of The Rings esch 2001 - 2003 id Kinos cho. Met der hochkarätige Bsetzig vo Viggo Mortensen, öber Orlando Bloom, Elijah Wood oder Ian McKellen bes zode Liv Tyler. Ensgesammt hend die drü Teil öber 3 Milliarde US-Dollar igspöut, somet esch Herr der Ringe die erfougrichschti Föumreihe auer Ziite. Osserdem heds för die drü Teil 17 Oscars gäh! Regie hed de Peter Jackson (King Kong) gfüehrt. Dreiht esch z Neuseeland worde. Dä dritt Teil "Die Rückkehr des Königs" isch mid 11 Oskars uszeichnäd wordä (Diä andärä wo au 11 gwunnä hend sind "Titanic" und "Ben Hur").
