Disney Dollar
Us der alemannische Wikipedia, der freie Dialäkt-Enzyklopedy
Dr Disney-Dollar (engl. Disney dollar) isch e Komplementärwährig. Si gseht ähnlich us wie de US-Dollar und isch am 5. Mai 1987 s erscht Mol in Umlauf brocht worde. Si hät en zitlich unbegränzte Wert und cha jederzit wider in US-Dollar umtuscht wärde. Sie chan aber wie normals Geld a de vorgsehne Orte verwändet werde. Das garantiert d Walt Disney Company. Dr Disney-Dollar isch somit es zitlich unbegrenzts Wertpapier. Da er nöd verjöhre cha und jederzeit wider id d offizielle Währig umtuscht werde cha, isch er käi Guätschii.
Inhaltsverzeichnis |
[ändere] Usgseh
Astell vomene amerikanische Präsident träget die Note bekannti Disney-Figure, wie dr Micky Maus, dr Donald Duck, dr Goofy, dr Stitch vo Lilo & Stitch, Dumbo und anderi. Die Dollar werdet von dr Walt Disney Company verchauft. Iglöst könned sie uf de Schiff vo dr Disney Cruise Line, allne Disney-Shops innerhalb dr USA und im Disneyland und em Walt Disney World Resort. Si träget immer d Unterschrift vom fiktive Schatzmäischter Scrooge McDuck, das isch dr englischi Name für de Dagobert Duck.
[ändere] Notezeiche
Disney-Dollar händ als Zeichä "A" oder "D". Damit wird agschribe, wo si hergeschtellt worde si. "A" stoht für Anaheim, Disneyland in Los Angeles und "D" fürs Walt Disney World Resort i Florida.
[ändere] Gschicht
Die Note sind i dr Johr 1987 bis 1989 serscht Mol als Ei-Dollar- und als Füf-Dollar-Note use cho. 1990 ischs Portfolio mit ere Zäh-Dollar-Note ergänzt worde. Noii Dollar mit noie Figure werdet jedes Johr produziert sit 1987, usserd nöd i de Johr 1992, 2004 und 2006. Im 2005i isch serscht Mol e 50-Dollar-Notä produziert worde um as 50-Johr-Jubiläum vom Disneyland in Anaheim, Los Angeles zu gedänke. [1]
[ändere] Sicherheitsaschpäkt
Disney-Dollar händ ähnlichi Sicherheitsaspäkt wie normali Note. Sie sind sogenannt micro-printed und händ e Tinte wo reflektiert um si so vor em Skänne oder vor em Fotokopiäre z schütze. Si träget au en eimolige Serienummer. [2]
[ändere] Beschribig vo de einzelne Note
[ändere] 1-Dollar-Note
- 1987-1991 : dr Micky Maus wo winkt.
- 1993 : dr Micky Maus träit e Flüüge. (65-jährigs Jubiläum vo de Figur Micky Maus)
- 1994-1996 : wider dr Micky Maus wo winkt.
- 1997 : dr Micky Maus als Zauberlehrling vom Film Fantasia. (25-jähriges Jubiläum vom Walt Disney World Resort
- 1998-1999 : wider dr 'Micky Maus wo winnkt.
- 2000 : dr Micky Maus bim fiire.
- 2001 : anderi Darstellig vom Micky Maus als Zauberlehrling vo Fantasia.
- 2002 : dr Micky Maus vom Film Steamboat Willie.
- 2003 : nois Porträt vom Micky Maus mit göffnete Arme.
- 2005 : verschideni Porträit: Dumbo, Ascheputtel und Chicken Little. (50-jährigs Jubiläum vom Disneyland in Anaheim, Los Angeles)
- 2007 : Arielle, d Meerjungfrou und Schädel vom Film Fluech vo dr Karibik.
[ändere] 5-Dollar-Note
- 1987-1996 : dr Goofy stolz und mit gschlossene Auge.
- 1997 : dr Goofy mit emene Zylinder. (25-jährigs Jubiläum vom Walt Disney World)
- 1998-1999 : wider dr Goofy stolz und mit gschlossene Auge.
- 2000 : dr Goofy bim fiire.
- 2001 : dr Micky Mouse als Bergstiiger.
- 2002 : s Schneewittli.
- 2003 : nois Porträt vom Goofy wo winkt.
- 2005 : verschideni Porträit: Donald Duck und Goofy. (50-jährigs Jubiläum vom Disneyland in Anaheim, Los Angeles)
- 2007 : s Dornrösli.
[ändere] 10-Dollar-Notä
- 1990-1996 : s Porträt vo de Minnie Maus.
- 1997 : dr Simba vom Film Der König der Löwen. (25-jähriges Jubiläum vom Walt Disney World)
- 1998-1999 : wider s Porträt vo dä Minnie Maus.
- 2000 : dr Donald Duck bim fiire.
- 2001 : dr Micky und d Minnie mit Sonnebrille.
- 2002 : dr Tinkerbell us em Film Peter Pan.
- 2003 : dr Donald Duck ziet sin Matrosehuet zum grüesse.
- 2005 : verschideni Porträit: dr Stitch und d Minnie Maus. (50-jährigs Jubiläum vom Disneyland in Anaheim, Los Angeles)
- 2007 : s Aschenputtel
[ändere] 50-Dollar-Not
- 2005 : verschideni Porträt vorhande: dr Micky Maus vor emene Spiegel und au sin Chopf vo vorne. (50-jährigs Jubiläum vom Disneyland in Anaheim, Los Angeles)
[ändere] Parodii
Disney-Dollar sind in ere Simpsons-Folg parodiert worde. I dr am 2. Oktober 1994 usgestrahlte Episode hät dr Homer 1100 Dollar i Itchy & Scratchy Money gwächselt, nachdäm ihm an Angestellte verzählt hät, dass die glichwertig sind, wie normals Geld aber eifach meh Spass machet. Im Park hät denn aber doch keine das Itchy & Scratchy Money angnoh. [3]
