Komede-Scheuer
Us der alemannische Wikipedia, der freie Dialäkt-Enzyklopedy
 |
Dialäkt: Schwäbisch |
Die Komede-Scheuer isch a vom Otto Braig 1985 en dr Mäulesmühle gegrindete Volksbihn. Se liegt em Siebamihladal bei Leifelda-Echderdenga.
Die Komede-Scheuer isch so populär, dass scho seit Ewichkeita die Vorschtellunga a halbs Johr on no lenger em Voraus ausverkauft sen.
En dr Komede-Scheuer senn die boide Konschtfigura Hannes und der Bürgermeister entschtanda. Zu Lebzeita vom Otto Braig gabs bloss zwoi Sketch mit Hannes ond em Bürgermoischter, ond zwar en denne Programm "Kraut ond Riaba" oin, ond em Programm "Kartoffelschnitz ond Spätzla" oin.
Seit 1994 tritt dr Albin Braig mit´m Karlheinz Hartmann reglmäsich en dr Komedereih "Hannes und der Bürgermeister" uff.
Enzwischa produziet dr Bastian Braig (dr Enkl vom Otto Braig) dia ganze Sendunga ond Theatrschtickla.
[ändere] Die Bühnaprogramm
- "Der Siebenmühlentaler" (Autor: Otto Braig)
- "Bei Ons verklemmt nix" (Autor: Otto Braig)
- "Kraut ond Riaba" (a Sammlong von oinzelne Sketch)(Älle 3 Braig-Generationa uff oimol)
- "Kartoffelschnitz ond Spätzla" (a Sammlong von oinzelne Sketch)
- "Rutsch mr doch da Buggl nuff" (Autor: Albin Braig)
- "Ausverkauft" (Autor: Albin Braig)
