Metis (Mond)
Us der alemannische Wikipedia, der freie Dialäkt-Enzyklopedy
 |
Der Artikel bschäftigt sich mitèm Mond Metis vum Planet Jupitèr, andèri Bdütigè vu dèm Begriff findènèr undèr Metis |
 |
|
| Entdeckig | |
|---|---|
| Entdecker | S. Synnott |
| Datum vu dè Entdeckig | 1979 |
| Datè vum Orbit | |
| Middlèrèr Bahnradius | 127.969 km |
| Bahnexzèntrizität | 0,0012 |
| Umlaufzitt | 0,295 Däg |
| Inklination | 0,8° |
| Natürlichèr Satellit vum | Jupitèr |
| Physikalischi Datè | |
| Durmèssèr | 43 km |
| Obèrflächi | 6000 km2 |
| Masse | 9,5467×1016 kg |
| Dichti | 2,8 g/cm3 |
| Gravitation an dè Obèrflächi | 0,0159 m/s2 |
| Fluchtgschwindigkait | 0 |
| Siderischi Rotation | 0,295 Tage |
| Neigung der Rotationsachse | 0° |
| Albedo | 0,05 |
| schinbari Hèlligkait | 17,5m |
| Oberflächètèmperatur | |
| Atmosphärischèr Druck | 0 kPa |
 |
Dialäkt: Markgräflerisch (Ebringe) |
[ändere] Entdeckig
Metis isch dè innèrst bechannt Mond vum Planet Jupiter.
Si isch anno 1979 vu dè Astronomè Stephen Synnott uf Ufnahmè vu dè Ruumsondè Voyager 1 èntdeckt worrè un het zuènächst diè vorläufig Bezaichnig 1979 J 3 erhaldè. Anno 1983 isch si offizièll uf dè Nammè vu dè Titanin Metis us dè grichischè Mythologi daift worrè, dè èrstè Ehefrau vum Zeus.
[ändere] Bahndatè
Metis umchraist dè Jupiter imè middlèrè Abstand vu 127.969 km in 7 Stund un 4 Minutè. D'Bahn wiist ä Exzèntrizität vu 0,0012 uf un isch 0,8° gegeniber dè Äquatorebèni vum Jupitèr gnaigt. Si bewegt sich innèrhalb vu im Jupitèr sinèm Ringsystem un isch vèrmuètli ä Quellè fèr d'Ringpartikel.
Diè innèrè Mond Metis un Adrastea umlaufè dè Jupitèr innèrhalb vum geostationärè Orbitalradius (dèr in dèm Fall ehèr zeusstationär haißè mièßt) sowiè innèrhalb vu dè Rochegrènzè und sin dèbi dè starchè Gezittèchräftè vum Riisèplanet usgsetzt. Si sin wohrschins chlai gnuèg, um nit vu dènè Chräft vèrrissè z'wèrrè, jedoch wèrrè ihri Umlaufbahnè in Zuèkunft absinkè, so dass baidi Mond irgèndwènn in dè Jupitèr stürzè wèrrè.
[ändere] Ufbau un physikalischi Datè
Metis besitzt ä middlèrè Durmèssèr vu 43 km. Ihri Dichti vu 2,8 g/cm3 losst druf schlièßè, dass si zuè glichè Dail us Wassèriis un silikatischèm Gstai zämmègsetzt isch.
Si besitzt ä sehr dunkli Obèrflächi mit èrè Albedo vu 0,05, d.h., bloß 5 % vum ifallèndè Sunnèleecht wèrrè reflèkteert. Ihri schinbar Hèlligkait betrait 17,5m. Metis roteert in 7 Stund un 4 Minutè um diè aigè Ax un wiist dodèmit, wiè dè Erdmond, ä bundini Rotation uf.
