Mondregenbogen
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Mondrägeboge« |
 |
Dialäkt: Markgräflerisch (Ebringe) |
E Mondrägeboge isch e Rägeboge, wo dur s'Mondliecht entstot. Mondrägeböge sin, wil au dr Vollmo yber 400.000 mol schwächer wie d'Sunne isch, liechtschwach un insbsunder bi Beiträchtigig dur Liechtverschmutzig schwer z'sähe.
Die atmosphärische Bedingige fer e Mondrägeboge sin e helle mindistens fast volle schinende Mo. Es muess uf dr im Mo entgegegsetzte Site vum Horizont rägne un dr Himmel muess bsunders dert, wo dr Regeboge stoht, dunkel si. Dr Mo derf usserdem nit höcher wie 42° yberem Horizont sto.
S'Leecht vum Mondrägeboge erschint im blosse Aug grau, wil's vil z'schwach isch, um d'Farbrezeptore vum menschliche Aug azrege. Uf Photos isch dr Rägeboge ufgrund vu dr andere Eigeschafte vu dr Photooptik un dr längere Beliechtig farbig.
