Nix (Mond)
Us der alemannische Wikipedia, der freie Dialäkt-Enzyklopedy
| Nix | |
|---|---|
 Künstlerischi Asicht vu dr Hydra (Vordergrund), Pluto & Charon (Hindergrund), un d'Nix (heller Punkt Middi links) |
|
| Entdecker | |
| Entdecker | Hubble Weltruumteleskop Pluto Companion Search Team |
| Entdeckigsdatum | Juni 2005 |
| Date vu dr Umlaufbahn | |
| middlerer Bahnradius | 48 675 ± 120 km |
| Exzentrizität vu dr Bahn | 0.002 ± 0.002 |
| Umlaufzitt | 24.856 ± 0.001 d |
| Inklination | 0.04° ± 0.22° (zum Plutoäquator) |
| Mond im | Pluto-Charon-Mehfachsystem |
| Physikalischi Eigeschafte | |
| Middlerer Durmesser | 40 - 140 km (abhängig vu dr vermuetete Albedo) |
| Masse | < 5×1018 kg |
| Dichti | ? |
| siderischi Rotation | ?, vermuetlich bundeni Rotation |
| Axneigig | ? |
| Albedo | 0.35 (gschätzt) |
| Oberflächetemperatur | 33-55 K |
| Atmosphäre | cheini |
 |
Dialäkt: Markgräflerisch (Ebringe |
D' Nix isch e Mond im Pluto-Charon-Zwergplanetesystem.
Inhaltsverzeichnis |
[ändere] Entdeckig
D'US-Weltruumbehörde NASA (National Aeronautics and Space Administration) het am 31. Oktober 2005 bechannt gä, dass im Mai 2005 gmachti Ufnahme vum Hubble Weltruumteleskop zwei Objekte zeige, bi dene es sich um Mönd im Pluto-Charon-Doppelzwergplanetesystem handele dät. Bestätigt worre isch d'Entdeckig no im Februar 2006.
[ändere] physikalischi Date
Dr Durmesser vu dr Hydra wird uf 40 bis 140 km gschätzt. Dr Wert isch so ungnau, wil er vum Reflexionswert (Albedo) vu dr Oberflächi abgleitet wird, wo nit bechannt isch. Generell giltet, je dunkler d'Oberflächi, also je nidriger d'Albedo, desto grösser isch dr Durmesser.
[ändere] Umlaufbahn
Dr Radius vu dr Umlaufbahn betrait öbbe 50.000 km. D'Umlaufzit lit mit chnapp 25 Däg numme 2,7% vu dr 4:1-Resonanz zum Charon äweg.
[ändere] Namme
Dr Mond isch uf d'Nyx, dr Götti vu dr Naacht in dr grichische Mythologi, daift worre. D'Nyx isch au d'Mueder vum Charon, wo dr Namenspatron vum dr zweitgrösste Komponente um Mehfachssystem isch. Wil dr Namme Nyx scho an dr Asteroid (3908) Nyx vergäbbe isch, het mer fer dr Plutomond e eweng abwichendi Schribwiis gwählt. Säll isch eweng ugwöhnlich, wil zahlriichi anderi Planetemönd au gliichnammige Asteroide hän. Bis zue sinere Daifi, offziell am 23. Juni 2006, het dr Mond die vorläufig Bezeichnig S/2005 P2 gha. E witteri Bezeichnig isch Pluto II.
[ändere] Webgleicher
- IAU Circular No. 8625 Beschribig vu dr Entdeckigsumstände (engl.)
- Background Information Regarding Our Two Newly Discovered Satellites of Pluto – Webseite der Entdecker (engl.)
- NASA's Hubble Reveals Possible New Moons Around Pluto (engl.)
- NASA Pressemitteilung zur Entdeckung (engl.)
- ESA-Informationen zue dn nöientdeckte Plutomönd (dütsch.)
- Hubble Confirms New Moons of Pluto (engl.)
- Artikel yber d'Daifi (engl.)
