Säntis
Us der alemannische Wikipedia, der freie Dialäkt-Enzyklopedy
De Säntis (IPA: ˈsæn.tɪsː; um 850: iugum Sambutinum) isch mit sine 2502m.ü.M. de höchscht Berg im Alpsteigebiet. Uf sim Gipfel obe treffet sich die drü Kantön Appezell Osserrhode, Appezell Innerrhode und St.Galle.
Uf em Säntis isch im 19.Johrhundert e metereoligischi Messtation baut worde, wo bis i die zweit Hälfti vom letschte Johrhundert no ganzjöhrig vome Wetterwart betreut worde isch. Spöter isch denn alles automatisiert worde.
Mitem Säntis verbunde isch d Saag vom Säntisriis, wo e Stadt het wöle baue. Er het im Monatfon vo Zwerge Hüser baue loo und die inen Sack inetue. Aber woner öber de Säntis gstigen isch, isch de Sack vomene Fels ufgrisse worde und all Hüser sind d Häng aberporzlet. Wo de Säntisriis aber all die Hüser so vertailt i de Landschaft gsee het, hetem da ase gfale, as er si lo si loo het, wo si aneghait sind. Drum sind im Apezellische und im Toggeborg no hüt all Hüser verstroit ide Landschaft.
[ändere] Büecher
- Sagen aus dem Apenzellerland; Appenzeller Hefte Herisau (1987). ISBN 3-85882-115-2
