Schwaben
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Schwobeland« |
S Schwobeland isch hit s Gebiät vu Bade-Wirttebärg un vu Bayern, wu Schwäbisch gschwätzt wird. In dr Gschicht het mer mit Schwaben oder Schwobeland d ganz Alemannia bezeichnet.
[ändere] Dr alt Begriff Schwaben
Im Mittelalter het dr ganz alemannisch Sprochrüüm Schwaben gheiße - also s Territorium zwisched Vogese (Wescht), Alpe (Süd), em Lech (Oscht) un dr fränkische Stammesgränz im Norde. Schwaben het s glich bedittet wiä Alemannia - Schwaben isch dr volktimlig Begriff gsii, Alemannia dr wisseschaftlig. D Bewohner vu Schwaben hän Schwobe gheiße - also aü d Elsässer, d Briisgaüer, d Bewohner vum Bärnbiät, vum Kanton Züribiät usw.
Dr Begriff Schwaben goht uf d germanisch Stammesgruppe vu dr Sweben zruck - e große Deil vu dr Vorfahre vu dr Alemanne sin Suebe.
[ändere] Dr modern Begriff Schwaben
Hit isch dr Begriff Schwaben uf s Gebiät vum hittige schwäbische Dialäkt iigschränkt. Dr Oscht-Deil (Bayrisch-Schwaben) ghert zum Bundesland Bayern, dr mittler un dr Weschtdeil, im Norde bis ..., im Süde bis Raveschburg un im Weschte zum Deil bis an dr Schwarzwald goht, ghert zu Bade-Wiirttebärg.
Well Schwaben - friähjer emol e Herzogtum - hit as politische Eiheit ke Roll meh spiilt, isch dä Begriff in dr Volkssproch nimmi gängig. Mer sait zwar: i ben e Schwob, aber i komm ous em Schwäbische. E anderi Bezeichnung isch s Schwobeland.
Im Elsass, z'Liechtestei un in dr Schwiz wird dr Begriff Schwob in eher amene abwärtende Sinn ou fir diä Ditsche im Allgmeine verwändet.
[ändere] Schbezialbladd
Suevica. Beiträge zur schwäbischen Literatur- und Geistesgeschichte. Herausgegeben von Reinhard Breymayer. Stuttgart: Hans-Dieter Heinz, Akademischer Verlag (Stuttgarter Arbeiten zur Germanistik. Editors: Ulrich Müller (Salzburg), Franz Hundsnurscher (Münster in Westfalen), Cornelius Sommer (Berlin).
