Serialisierung
Us der alemannische Wikipedia, der freie Dialäkt-Enzyklopedy
Serialisierig isch e Begriff us dr Informatik. Me verschtoht drunter e sequentielli Abbildig vo Objekt uf e externi Darschtelligsform. Ziel isch es Erreiche vo Persischtenz für es Objekt.
E Objekt muess immer dann seriell dargschtellt wärde, we me es zuem Bischpiel in e Datei schpeichere will. Dört cha me Date numme hinterenander (sequentiell) abschpeichere. E Objekt cha aber e huffe Eigeschafte ha un verwies uf dynamisch alloziierti Speicherberiech, so dass me - würd me 's Objekt wie e Variabli eifach in d' Datei schriebe - nümme die enstchprächende Schpeicheradrässe an de Schtelle vo dr Pointer seh würdi. Also müess me alli Date einzeln und nochenand (seriell) us denne Schpeicherberich usehole un in e sequentielli Schtruktur bringe. Zuesätzlich bedütet des abr, dass dr Programmierer au drfür sorge muess, dass er drnoch bim läse no weiss, wo wele Datensatz afang un wo ner ufhört will bi dynamisch alloziierte Speicherbereich d' Grössi jo nit beschtimmt isch.
Es Ergebnis vo nere Serialisierig isch, dass des Objekt am End als Dateschtrom vorliegt wo denn witerverarbeitet wärde - zuem Bischpiel in e Datei gschriebe oder übers Netzwärk übertrage wärde cha.
Noch de Serialisierig liegt e Objekt zweimol vor: als externi Darstellig (z.B. als Datei) un im Arbetsschpeicher. Wird noch de Serialisierig e Änderig am Objekt im Arbetsschpeicher vorgnoh het des chei Uswirkig uf des serialisierti Objekt in de externe Darschtellig.
Persischtenti Objekte chönne in de Regel wiedr in de Arbeitsschpeicher zruckgschriebe wärde. Sie unterscheide sich drnoch (bis uf de Zueschtand) nit vo andere Objekte.
[ändere] Lueg auch:
- Marshalling
'S Wort Serialisierig wird au mänggmol fälschlich für e Sequentialisierung verwendet.
