Tirana
Us der alemannische Wikipedia, der freie Dialäkt-Enzyklopedy
| Wappe vo Tirana | |
|---|---|
 |
|
| Basisdate | |
| Flächi | 31 km² |
| Ywohner | 400.000-900-000? |
| Bevölkrigdichti | >5.000 Ywohner/km² |
| Geografischi Lag | 41_19_32_N_19_49_11_E|41° 19' 32" n. Br. 19° 49' 11" ö. L. 110 m über NN |
| Zitzon | MEZ (UTC+1) |
| Vorwahl | +355(0)4 |
| Gründig | 1614 |
| KFZ-Kennzeiche | TR |
| Spitzname | Tirona |
| Webseite | http://www.tirana.gov.al/ |
| Politik | |
| Bürgermeischter | Edi Rama |
| Stärggschti Fraktion | Sozialistischi Partei |
Tirana (uf Albanisch au Tiranë un im lokale Dialäkt Tirona) isch d'Hauptstadt un gröschte Stadt vo Albanie. Über d'Ywohnerzahl isch sich niemer so rächt sicher, Schätzige gange vo 400.000 bis 800.000 oder über e Million us.
[ändere] Geografi
Tirana leit im glychnamige Bezirk un Kreis, 30km vur Adria. D'Stadt isch vo Hügel umgäbe un leit am Fuess vum Berg Dajti. D'beide Flüss Erzen un Tirana fliesse südlich bzw nördlich vo Tirana. Durch s'Zentrum vo Tirana fliesst s'Flüssli Lana. Am Stadtrand leit a chünschtlicher See (Liqeni i Tiranes) un dr Stadtpark, dohinter lönn vorallem Dörfer. S'Chlima isch subtropisch-mediterran, d'Durchschnittstemparatur isch 16°. D'Winter sin als chalt (im Januar 7°, s cha aber au lycht unter 0° ha, vorallem am Morge). Im [[Sommer|Summer] ischs heiss, d'Durchschnittstemparatur im Juli isch 24°, s het abr au oft 35° un meh. Im [[Herbst|Spötling] un Winter rägnets oft, im Summer dergege sälte. Deswäge het mer entweder matschigi odr staubigi Strosse. Schneie tuets arg selte, mangmol sogar numme alli 15 Johr.
