Tuggen
Us der alemannische Wikipedia, der freie Dialäkt-Enzyklopedy
Technische Yschränkung: Dr koräkt Titel wär: »Tugge« |
Wappe | |
---|---|
|
|
Basisdate | |
Kanton: | Schwyz |
Bezirk: | March |
BFS-Nr.: | 1347 |
PLZ: | 8856 |
Koordinate: | 47.203332 n. Br. 8.945828 ö. L. |
Höchi: | 409 m ü. M. |
Flächi: | 15.30 km² |
Iwohner: | 2719 (31. Dezember 2006) |
Websyte: | www.tuggen.ch |
Charte | |
|
Tuggä isch ä chliis Dorf i d'r Linthebeni im Kantuu Schwyz. Es liit am Südabhang vom Buechberg und stoost an Zürisee. S het ä eigeni Autobaanuusfahrt am Zuebringer vu d'r Autobaan A3. In und um Tuggä häts vili Puurebetrieb. Es het au no Reschterand und anderi Chliibetriib.
[ändere] Gschicht
De Ortsname (ahd. Tuccunie, lat. Ducones) laitet me vom latinische Wort ducere ab, was "züche" haisst. Drum nint mer a, as dozmol d Schiff, wo vom Zürisee cho sind, umglade worde sind und denn d Güeter uf Flooss an Walesee zoge worde sind. De Grund isch, as früener de Zürisee vill grösser gsii isch und bis uf Tugge au schiffbar gsii isch. De Seetail het im Mittelalter Tuggenersee ghaisse.
Z Tugge hend um 610 de Gallus und de Columban missioniert. D Missionare hend afange e Chloster baue, well aber de Gallus die haidnische Tempel azunde het und d Opfergoobe in See ine grüert het, hend si müese flüche [1]. S Woppe vo de Gmaind Tugge zaigt de Hailigi Gallus ufeme Böötli.
Aber d Tuggener sind trotzdem glii Christe worde und die ältisti Erwäänig vode Chile z Tugge cha um 650/60 datiert werde. Im 7. Joorhundert sind i dere Chile au drai Mane bigrabe worde. S mittleri Graab lit gnau uf de Achs vode Chile und isch, wie die andere baide Gräber gostet und au gnau uf de Altoor uusgrichtet [2].
Im Mittelalter hend d Groofe vo Rapperschwil en Turm baut, wo denn zum Schloss Grynau usbaut worden isch.