Wikipedia:Tutorial
Us der alemannische Wikipedia, der freie Dialäkt-Enzyklopedy
 |
Wikipedia-Tutorial |
|
|---|---|---|
| zryck | 1 | 2 | 3 | 4 | 5 | 6 | 7 | witer |
| Abkürzig: WP:TT |
Grüezi un herzlich willkomme biem Wikipedia-Tutorial, ä Schritt-fyr-Schritt-Ôleitung durchs Wikipedia. Wikipedia isch ä Internet-Enzyklopädie, wue gmeinsam vun viele Lit barbeitet wird. Au du konnsch däzue beitrage. S Tutorial bstäht us 'ra Reihe vun einzelni Syte un isch däzue do, dir d grundlegendi Fähigkeite un s Wisse zue vermittele, wue du bruchsch, um bi Wikipedia mitzschaffe.
Jedi Syte bschribt ä nützlichs Merkmal vun de Wiki-Software, gibt Hilf zuem Schtil un Inhalt, informiert yber d Wikipedia-Community oder yber wichtigi Konventione in de Wikipedia.
Dobi isch s wichtig, im Kopf z behalte, des des hier ä Kurzonleitung isch un kei usgarbeiteti Bschriebung vun de Wikipedia-Regle oder vun alli möglichi Fähigkeite vun de Software. Wenn du dich fyr witri Details intressiersch, findesch due im gonze Tutorial Links uf ôndri Wikipedia-Syte, wue usfyhrlicher yber diä im Tutorial behondelti Theme informiere. Niemand zwingt dich, die ozugucke, aber wenn du möchtsch, konnsch due des gern mache. Ôm beschte ischs, wenn due siä däzue in nm Extra-Fenschter/Tab öffnesch, domit due im Tutorial blibsch.
Uf de Spielwies gibt s usserdem Roum, um s neije Wisse uszueprobiere un z übe. Kei Ôngscht – probiers ruehig us, wiä alles hier funktioniert; niemand wird drüber erbost si, wenn ä Experiment vun dier schief gäht. Also lueg einfach mol, was s so alles gäbe tuet.
Ok? Jetzert fonge mir ô!
