Vauban (Freiburg)
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Vauban (Friburg)« |
  Friburg im Brisgau |
|
|---|---|
| Stadtkreis Friburg im Brisgau (FR) Bade-Württeberg, Dütschland |
|
 |
|
| Dialekt: | |
| Hauptvariante: | |
| Regionalvariante: | |
| Lokalvariante: | |
| Verbreitig: | |
| Basisdate | |
| Stadtvirtel vu Friburg | |
| Stadtdeilnummere: | |
| Stadtdeil: | 62 St. Jerge 42 Wihri |
| Stadtbezirk: | 622 St. Jerge-Süd 424 Unterwihri-Süd |
| Gliderig: | |
| igmeindet sit: | |
| Geographischi Lag: | 47° 58′ 33" N, 7° 49' 29" O |
| Höchi: | 255 m ü. NN |
| Flächi: | 0,40 km² |
| Iwohner: | ~5000 (am End vu anno 2005) |
| Bevölkerigsdichti: | ~12500 Iwohner je km² |
| Usländeradeil: | % |
| Postleitzahl: | 79100 |
| Vorwahl: | 0761 |
| Adresse vu dr Verwaltig: |
|
| Internetuftritt: | www.vauban.de |
| E-Mail-Adress: | |
| Politik | |
| : | |
| Topographi | |
|
|
|
| Luftbild | |
|
|
|
 |
Dialäkt: Markgräflerisch (Ebringe) |
S' Quartier Vauban isch e nöie, deilwiis autofreie Stadtdeil mit konzipierte 5.500 Iwohner un 600 Arbetsplätze im Süde vu Friburg im Brisgau an dr Grenze zue Merzhuse. Es isch an dr Stell vu dr ehemolige, nooch 1990 uffgäbene französische Vauban-Kaserne entstande. Es ghört zum Stadtbezirk Sant Jörge Süd, mit Usnahm vu dr Solarsidlig uf dr Ostsite vu dr Merzhuser Stross, wo zum Stadtdeil Wihri, Bezirk Unterwihri Süd, zellt.
Daift worre isch d'Kaserne un dr später Stadtdeil uf Sébastien Le Prestre de Vauban, eme französische Festigsbaumeister ussem 17. Johrhundert. Dr Vauban het underem Ludwig XIV. vu Frankriich au Friburg in e Korsett us Festige gsperrt (wie z.B. s'vu ihm uffem Rissbrett konzipiert Nöi-Brisach) un dr Stadtentwicklig dodur zimlich gschadet. Dass uf ihn 300 Johr später e Stadtvirtel daift worre isch, isch e argi Ironi vu dr Gschicht.
Inhaltsverzeichnis |
[ändere] Gschichte
S'Virtel isch als noochhaltiger Modellstadtdeil uf em Glände vu früehere - bis zum DDR-Bitritt vu dr französische Armee gnutzte - Wehrmachtskaserne errichtet worre. Dr Bau het in dr Middi vu dr 1990er Johre agfange un sott 2006 mit dr Vollendig vum 3. Bauabschnitt un dr Inbetribnahm vu dr Stadtbahnlinie voll bebaut si.
[ändere] Bebauig
Dr Quadratmeterpriis fer e Immobilie betrait im Schnitt 2500 Euro. Alli Gebäude sin mindistens entsprechend em Friburger Nidrigenergiestandard errichtet, wobi die ebba 100 Einheite vu dr sognennte Solarsidlig yber s'Johr grechnet meh Energi erzüge solle, wie si selber verbruche. Es git einigi Passivhüser, dorunter s'erst Mehrfamiliehus in Passivhus-Bauwiis in Dytschland.
[ändere] Bürgerbeteiligung
Wesentlichs Merkmol vum Vauban-Projekt isch die Erwittert Bürgerbeteiligung dur dr Verei Forum Vauban. Im Verei isch es in Zämmearbet mit dr Stadtverwaltig glunge, ab 1994 wesetlichi ökologisch-alternativi Impulse in d'Planig vu dr Stadt ifliesse z'lo. So existiert mit eme Holzhackschnitzel-befyrte Blockheizchraftwerch e moderns Nohwärmisystem. Dr Verei als Verträtter vu dr Bürgerschaft het sich aber au oft im Gegesatz zue dr Bestrebige vu dr Verwaltig sowie einzelne Awohner befunde.
Mehreri "alternativi" Projekte (z. B. die selbstverwaltet uabhängig Sidligsinitiative S.U.S.I., wo d'Schaffig vu studentischem un sozialem Wohnruum mit alternative Wohnkonzepte verbunde het) hän under anderem aldi Kasernegebäude chostegünstig umgnutzt un es isch e selbstverwaltets "Stadtdeilzentrum Hus 037" gschaffe worre. E grosse Adeil vu dr Bevölcherig im Stadtdeil stelle Familie, wo sich, in Baugruppe organisiert, chostegünstig un oft mit viil Eigeleistig gmeinsam Wohnige baut hän. E wichtigs gnossenschaftlichs Bau- un Wohnprojekt isch GENOVA. Im Früehjohr 2005 isch e ehemoligi Kaserne besetzt worre, wil si het abgrisse werre solle.
[ändere] Stellplatzfrei-Konzept
E grundlegends Aliige, s'Quartier auto- bzw. stellplatzfrei z'gestalte, soll u. a. dur zwei Parkhüser am Rand vum Stadtdeil understützt werre, in dene Awohner, so si Autohalder sin, e Parkplatz (fer rund 20.000 Euro) erwerbe müen, wenn chei Auto vorhande isch, muss e Deil vu ere sognennte Vorhaldeflächi fer rund 3000 Euro chauft werre, um später, wenn doch Autos angschafft werre, dert e Parkhus errichte z'chänne. Dur Verzicht uf Stellplätz im Quartier sin die meiste öffentliche Wohnstrosse fer chinderfründlichi Frizittaktivitäte nutzbar worre un verhelfe so zämme mit dr zahlriiche "Grüenspange" zue ere bsundere urbane Läbensqualität. Einigi Kritiker bemängele d'Parkplatznot fer Bsuecher sowie vereinzelti Tendenze, d'Regelige dur Ameldige vu Autos uf anderi, nit im Quartier Vauban wohnendi Bechannti z'umgo un die trotz em Verbot in dr Strosse abgstellte Autos.
[ändere] Infrastruktur
Die nöi Strossebahnlinie 3 ermöglicht sit 29. April 2006 e schnelli Abindig an dr Stadtchern. Dass d'Bauchoste vu dere Linie mit 18 Millione Euro die plante vu 30 Millione um satti 40% underschritte hän, het allerdings fer eweng Erstaune yber die planerische Fähigkeite vum Bauträger gsorgt.
Im Stadtdeil selber git's under anderem e Grundschuel, e Beck, zwei Chinder- un Jugendbekleidigsgschäfter, e Schribwarelade , e Iisdiile un e Supermärkt. Somit isch s'Quartier relativ guet versorgt.
[ändere] Bewohner
[ändere] Demographi
Dr grösst Adeil vu dr Bevölcherig im Stadtteil wird dur jungi Familie gstellt, ca. 50% vu dr Iwohner sin under 18 Johr ald. Dodemit zellt s'Quartier Vauban näbe em zweite grosse nöie Stadtteil Riiselfeld zue dr chinderriichste Stadtdeile z'Friburg.
[ändere] Wahlverhalde
Dr Wahlchreis vum Stadtdeil het bi dr Bundestagswahle 2002 mit ca. 69% bundeswitt die meiste Stimme fer die Grüen Partei erreicht. D'CDU isch degege dütlich under 10% gläge,
[ändere] Selbstverständnis
S'Selbstverständnis vu dr Lüt un ihr Sicht vu dr Probleme vu dr Stadt stehn in dem wie bösi Zunge sage, Guetmenschevirtel, grüeni Bronx oder grüene Ghetto, in grossem Gegesatz zue dr städtische Problemvirtel z'Hasle.
[ändere] Alemannisch
Alemannisch hört mer im Vauban natürlich so guet wie gar nit.
[ändere] Webgleicher
- Offizieller Internetuftritt vu dr Stadt Friburg
- Umfassendi Informatione un Links zum Quartier
- Forum Vauban
- Projekte im Quartier Vauban
- Studentewohnheim Vauban
Dr Artikel basiert uf ´ra freie Ibersetzung vum Artikel „Vauban (Freiburg)“ us dr dytsche Wikipedia. E Lischte mit de dörtige Autore kasch dörte aluege
