Wappen von Israel
Us der alemannische Wikipedia, der freie Dialäkt-Enzyklopedy
| Technische Yschränkung: Dr koräkt Titel wär: »Wappe vo Israel« |
 |
Dialäkt: Baseldütsch |
S Wappe vo Israel zeigt a sibenärmigi Menorah, a Lampeschtänder, wie s im Tämpel vom Salomo eine gha het. Mä weiss nit wieso si sibeärmig isch, aber d Nummere Sibe chunnt in dr jüdische Kultur nit wenig vor.[1] D Menorah isch in gschichtlige Ziite mänggisch abbildet worde, zum Bischbil of Münze vom Antigonus, em letzschte vo de Chaschmonäer König.[2]
D Menorah isch umrahmt uf beide Siite vo Olivezwiig, und undedrah schtoht s Wort Israel uf Hebräisch.
Mä sött die siebenärmigi Menorah nit mit dr nünärmige Chanukia verwächsle, wo eigentlig nummen acht Ärm het, ein für jede Dag vo dr Wuche vo Chanukka, aber s het non än Arm, dr Schamasch, wo im allgemeine ä chlii andersch uusgseht, für d Cherze wo zum azünde bruucht wird.[3]
[ändere] Quelle
- ↑ Avner Falk, A Psychoanalytic History of the Jews, Fairleigh Dickinson University Press 1996, ISBN 0838636608, p.48 (Änglisch)
- ↑ Carol L. Meyers, The Tabernacle Menorah, Gorgias Press LLC 2003, ISBN 1593330731, p.45 (Änglisch)
- ↑ Alfred J. Kolatch, A Handbook for the Jewish Home, Jonathan David Company, Inc. 2005, ISBN 0824604628, p.290
