Australia
De Biquipedia
|
|||||
 |
|||||
| Luenga Ofizial | Anglés | ||||
| Capital - Poblazión: |
Camberra 339.000 (2000) |
||||
| Reina | Isabel II | ||||
| Primer Ministro | John Howard | ||||
| Aria | 7.686.850 km² | ||||
| Poblazión - Total: - Densidá: |
20.180.878 (2003) 2 ab./km² |
||||
| Independenzia | D'o Reino Unito 1901, 1939, 1986 |
||||
| Moneda | Dólar australiano (AUD) | ||||
| Zona oraria | UTC+8, +10 | ||||
| Inno Nazional | Advance Australia Fair | ||||
| Internet TLD | .au | ||||
Australia ye un país d'Ozeanía. A suya capital ye Camberra. A Mancomunidá d'Australia (Commonwealth of Australia) ye a siesena nazión de o mundo en amplaria, a unica que ocupa tot un continén e a mayor nazión d'Australasia. Estando una isla, no tiene mugas con atras nazions. Os bizins més amanatos son Nueba Zelanda enta o sur e Papúa-Nueba Guinea, Timor Oriental e Indonesia enta o norte. O nome d'Australia probién de a frase latina terra australis incognita que significa "tierra de o sur esconoxita".
Contenius |
[editar] Istoria
Australia lieba abitata dende fa 42.000 dica 48.000 añadas, cuan os abampasatos de os aboríchens autralians bi plegoron de o sureste d'Asia. A tierra no estió escubierta per os europeus dica o sieglo XVII, cuan estió dibisata e bisitata per cuatro espedizions. O Reino Unito reclamó os dos terzios orientals de o continén por 1770 e os primers colonos fundón en Nueba Gales de o Sur una colonia penal britanica o 26 de chinero de 1788. Os atros territorios estión reclamatos per o Reino Unito en 1829. A mayor parti de os estatos, que més tardi se achuntón ta formar Australia, no yeran colonias penals. O 1 de chinero de 1901 a Mancomunidá d'Australia naxió, como dominio de o Imperio Britanico. Dende allora Australia estió independién, encara que o zaguer binclo legal con o Reino Unito no se crebó dica 1986. Australia ye una monarquía constituzional, con Isabel II d'Anglaterra reinando como Reina d'Australia. En 1999 se fazió un referendo ta cambiar a Constituzión e combertir Australia en republica, con un presidén triato que sustituyese á la reina como chefa d'estato, pero se refusón istas reformas.
[editar] Estatos e territorios
Australia se trestalla en sies estatos e dibersos territorios. Os estatos son:
- Australia de o Sur (SA)
- Australia de l'Ueste (WA)
- Nueba Gales de o Sur (NSW)
- Tierra de a Reina (Anglés; Queensland)(QLD)
- Tasmania (TAS)
- Bitoria (VIC)
Os territorios son:
- Territorio de a Capital d'Australia (ACT)
- Territorio de o Norte (NT)
Australia tien lumerosos territorios minors como o Territorio de a Baía de Jervis, en Nueba Gales de o Sur, administrato como base nabal e puerto maritimo de a capital. Dibersos territorios esternos son abitatos:
- Isla de Cocos (NW)
- Isla Norfolk (E.)
- Isla de Nadal (S)
Asabelos de territorios son cuasi disiertos:
- Isla de o Mar de Coral
- Islas McDonald e Heard
- Isla Ashmore e Cartier
- Territorio Australián Antartico
O Territorio de a Capital d'Australia estió creato en o puesto triato ta la capital Camberra. Camberra estió fundata como compromís entre as dos ziudaz prinzipals, Melburna e Sidney. Atras zidaz importans en Australia son Alice Springs, Cairns e Brisbana (en a costa oriental), Darwin (en a costa septentrional), Perth (en a costa ozidental) e Adelaida (en a costa meridional). O 85% de a populazión australiana reside en as ziudaz. Ye miembro de lumerosos organismos internazionals como a Organizazión de Nazions Unitas, a Cooperazión Economica Asiatico-pazifica e a Mancomunidá Britanica.
[editar] Politica
A Mancomunidá d'Australia ye una monarquía constituzional: A Reina d'Australia ye a chefa ofizial de o Estato e ye representata per un Gubernador Cheneral. Prauticamén, a funzión de a Corona (e per tanto de o Gubernador Cheneral) ye pro zerimonial. O poder executibo, en teoría representato per a Corona, ye exerzito per un gabinet menato per o primer ministro. O primer ministro tamién gosa estar o chefe de o partito con mayoría en a Cambra de Representans, Cambra Baxa (dan 150 escaños) d'un parlamento bicameral. A Cambra Alta (76 escaños) ye o Senato, en a cuala cada estato ye representato per doze senadors, independienmén de os abitans u os territorios que tienga cada estato. Cada tres añadas se zelebran elezions, cheneralmén con a metá de o Senato esbiellato.
[editar] Cheografía
A mayor parti de o territorio australián son disiertos deserticos u semideserticos. O 40% de a superfizie ye formata per dunas d'arena. Només que os cantos surozidental e suroriental tienen un clima temperato e espleitan un terrén moderatamén fértil. A parti norte de o estato tiene un clima tropical. L'amplismo arrezife de a Gran Barrera (Great Barrier Reef en anglés) ye a mayor barrera de coral de o mundo e chaze amán de a costa noreste. L'Urulu u a Peña d'Ayers, en Australia zentral, ye o mayor monolito de o mundo. Iste estato comprende o 90% d'Ozeanía. Tamién Australia poseye a isla de Tasmania, de a cual la desepara o Estreito de Bass. Australia se puede subdibidir en tres rechions: o canto oriental do son os Alpes australians e a gran catena trestalladera, l'ozidén do bi'n ha de mesetas e bellas zonas deserticas, e o zentro do ye l'Ibón Eire, o més gran. En o territorio desertico bels animals tipicos australians biben, como o canguro, o diaple de Tasmania, o dingo, o cuala, e o emú. O paisache australián presenta cuatro menas de bechetazión: l'arbusto composato per eucaliptos d'alters dica 40 m, o malee formato per eucaliptos no més alters de zinco metros, a mulga ye composata de plandas acazias, á la fin o mon baxo formato de barzas chicotas. O fuso orario de o continén baría de UTC+8 dica UTC+10. Cualques islas plegan ta UTC+6'5 e UTC+11. Australia fa muga á o sur con l'Ozián Indico, á o norte con o Mar d'Arafura, á noreste con o Mar de Coral, á o noreste con o Mar de Timor, á o sureste con o Mar de Tasman e á o sur con l'Ozeán Indico.
[editar] Fauna e flora
Encara que siga una isla desertica e semiarida, en Australia no'n mancan d'abítaz dibersicatos ta acullir-bi-ne d'espezies animals e bechetals. Per a gran edá de o continén, os climas tan bariables seguntes as estazions e o aislamiento cheografico larguismo, han puesto esembolicar-sen-bi una fauna e flora peculiars. As espezies animals més conoxitas son: a foca, o cuala, o emú, l'ornitorrinco, o guombat e o equidna, que tanto ficazio clamón ta os primers esploradors europeus. Manimenos caballos, güellas, bacas bi estión importatos d'o continén europeu rezienmén. Australia poseye dos millons de capezas de ganato obín.
[editar] Economía
Australia ye una economía prospera de mena ozidental, con una renda per cápita á ran de as cuatro economías europeyas. En as zagueras añadas Australia ha concarato una crisis con un creximiento zereño. A crexién produzión en a economía domestica frenó as perdas, e a confitanza de as interpresas e consumidors romanió fuerte. O enfasis australián ta as reformas ye estato atro de os elementos de a suya fuerza economica.
[editar] Populazión
Cuasi toz os australians han orichen en os inmigrans de os sieglos XIX e XX, prinzipalmén de o Reino Unito e Irlanda, e dimpuesas tamién d'atras nazions, sopretot d'Italia, Grezia e més rezienmén de nazions asiaticas. Os deszendiens de os abitans orichinals, os aboríchens australians, constituyen o 2'2% de a populazión (seguntes o zenso de 2001). Como atras nazions esembolicatas, a populazión australiana embellexe, con més de pensionistas que de presonas en edá laboral. En Australia se charra anglés, encara que cualques comunidaz aboríchens han guardato lurs luengas, e un lumero pro gran d'inmigrans de primera e secunda chenerazión ye bilingüe. Tres de cada cuatro australians se declaran cristians, prinzipalmén catolicos u anglicans. Tamién se prautican atras relichions.
[editar] Cultura
| Calendata | Nome |
|---|---|
| 1 de chinero | Fin d'año |
| 26 de chinero | Fiesta nazional |
| Pascua | Biernes santo |
| Pascua | Sabato de Pascua (fueras de Bitoria e Australia Ozidental) |
| Pascua | Lunes de Pascua |
| 25 d'abril | Día d'ANZAC |
| Primer lunes dimpuesas d'o 9 de chunio | Cumpleañadas d'a Reina (fueras d'Australia Ozidental) |
| 25 d'abiento | Natal |
| 26 d'abiento | San Esteban (fueras d'Australia Meridional) |
| Estatos e territorios d'Ozeanía |
|---|
| Australia | Fichi | Islas Marshall | Estatos Federatos de Micronesia | Kiribati | Nauru | Nueba Zelanda | Timor Oriental | Tonga | Tuvalu | Palau | Papua e Nueba Guinea | Islas Salomón | Samoa | Vanuatu |
| Dependenzias: Islas Cook | Guam | Hawai | Irian Jaya | Islas Maluku | Isla Norfolk | Islas Marianas d'o Norte | Niue | Nueba Caledonia | Isla de Pascua | Polinesia Franzesa | Islas Pitcairn | Samoa Americana | Tokelau | Wallis e Futuna |
