Cadreitas d'o Niagara
De Biquipedia
As cadreitas d'o Niagara (en anglés Niagara Falls) son un grupo de grans saltos d'agua d'o río Niagara (56 km) en a zona oriental d'America d'o Norte, en a muga entre os Estatos Unitos e Canadá. Niagara deriba d'una parabra d'a tribu india iroquesa que senifica "truén d'augua".
Son formatas por tres saltos d'augua esferenziatos: a cadreita d'a Ferradura u canadiense (en anglés Horseshoe Falls u Canadian Falls), en a probinzia d'Ontario; a cadreita norteamericana (en anglés American Falls), en o estato de Nueba York; e a más chicota, a cadreita d'o Belo de Nobia (en anglés Bridal Veil Falls).
Anque en conchunto no tienen una gran altaria, son mui amplas e son as de más bolumen d'augua d'America d'o Norte. Tot o conchunto se troba á una latitut de 43 graus Nord e una lonchitut de 79 graus ueste, entre o estato de Nueba York (Estatos Unitos) e Ontario (Canadá). O cabal masimo d'augua que leban ye de 5.720 metros cubicos por segundo. En berano l'aprobeitamiento idroeletrico fa baxar o cabal á 2.832 metros cubicos por segundo.
