Man (orografía)
De Biquipedia
- Iste articlo trata sobre a man como auzeso cheografico d'as montañas. Ta altros usos d'a parola se beiga man (desambigazión).
Una man ye ro conchunto de faldadas u bersants d'una sierra u sarrato que, per a suya desposizión formando bela suerte de rengla, trancan uno d'es cantos d'una balle. Aintre d'un sentito més amplo, a parola man puet usar-se como á sinonimo de bersant ta cualsiquier mont u montaña, encara que ista no sía parti de brenca formazión.
[editar] Polisemia d'a parola man
Modernament, a parola man ha plegato altros sinnificatos més difusos, estando empregada d'abitual ta mutas altras cosas fuera d'a descrizión cheografica. Asinas, en aragonés se diz man también d'es cantos ocultos d'es puestos (A man de zaga d'a casa), d'es conchuntos de fincas que pertenixen t'a mesma persona u familia (Allá en a man de (Casa) Chorche) u que están agrupadas en o mesmo puesto (a man d'o Cosiñor). No ye difizil d'imachinar que toz ixes sinnificatos bienen direutament d'o sentito cheografico d'a parola.
Altros sinnificatos que no son tan amanatos á ixe sentito son talment més metaforicos; Una man de güellas (mutas güellas chuntas, ye como dezir "un montón de"), también empregada ta elementos incontables: Una man de grano.
